డ్రైవింగ్ లైసెన్స్ పొందేందుకు సరికొత్త నిబంధన అమల్లోకి రానుంది. సురక్షిత డ్రైవింగ్‌పై అవగాహన కోసం నిర్వహించే ఆన్‌లైన్ అసెస్‌మెంట్ టెస్టులో పాస్ మార్కులను 60 నుంచి 75 శాతానికి పెంచింది. అలాగే, డ్రైవింగ్‌పై అవగాహన కోసం నిర్వహించే ఈ ట్యుటోరియల్‌ కనీసం 30 నిమిషాల పాటు సాగాలని పేర్కొంది. ఈ మేరకు కేంద్ర రోడ్డు రవాణా, రహదారుల మంత్రిత్వ శాఖ ముసాయిదా నోటిఫికేషన్ జారీ చేసింది. భాగస్వామ్యపక్షాల నుంచి 30 రోజుల పాటు అభ్యంతరాలు స్వీకరించనున్నారు. ఫీడ్‌బ్యాక్‌ ఆధారంగా తుది నోటిఫికేషన్ విడుదల చేస్తారు.
భారతదేశపు అతిపెద్ద పబ్లిక్ ఇష్యూ 5.6 రెట్లు ఓవర్‌ స‌బ్‌స్క్రైబ్ అయింది; రూ. 1.23 లక్షల కోట్ల విలువైన 110 కోట్లకు పైగా షేర్లకు బిడ్లు అందాయి.జియో ప్లాట్‌ఫామ్స్ ఐపీఓ అన్ని వ్యక్తిగత కేటగిరీలలో ఓవర్‌ స‌బ్‌స్క్రైబ్ అయింది.- క్యూఐబీలు (QIBs) 65.1 కోట్ల షేర్లకు బిడ్లు వేశారు- ఇది ఆఫర్‌లో ఉన్న షేర్ల కంటే 13.3 రెట్లు ఎక్కువ.- రిటైల్ ఇన్వెస్టర్లు రూ. 14,650 కోట్ల బిడ్లు వేశారు; రిటైల్ కోటాకు 1.54 రెట్ల డిమాండ్ ఉంది.- ఉద్యోగుల కోటా 2.1 రెట్లు ఓవర్‌ స‌బ్‌స్క్రైబ్ అయింది.
ఈ వర్షాకాలం అనంతర సీజన్‌లో ఆంధ్రప్రదేశ్‌లో, ముఖ్యంగా తీర ప్రాంతాలు, ఉత్తర కోస్తా జిల్లాల్లో మలేరియా, డెంగ్యూ, సీజనల్ జ్వరాలు ఆందోళన కలిగిస్తూనే ఉన్నాయి. రాష్ట్ర వైద్య ఆరోగ్య శాఖ వెల్లడించిన వివరాల ప్రకారం, ఈ ఏడాది ఆగస్టు 30 నాటికి మలేరియా కేసులు 27.9 శాతం పెరిగి 7,895కి చేరుకున్నాయి. ముఖ్యంగా అల్లూరి సీతారామరాజు, పోలవరం, విజయనగరం జిల్లాలలో ఈ కేసులు అధికంగా నమోదయ్యాయి. అలాగే రాష్ట్రంలో 1,475 డెంగ్యూ కేసులు నమోదయ్యాయి. రాష్ట్రంలోని ఇతర ప్రాంతాలలో బర్డ్ ఫ్లూ కూడా ఆందోళన కలిగిస్తుండటంతో, ప్రజలు అప్రమత్తంగా ఉండాలని సూచించారు.
ఆంధ్రప్రదేశ్ రాష్ట్రంలో ఇంటర్మీడియట్ వార్షిక పరీక్షల షెడ్యూల్‌ను ఇంటర్ బోర్డు గురువారం రిలీజ్ చేసింది. ఈ షెడ్యూల్ ప్రకారం వచ్చే యేడాది ఫిబ్రవరి నెల 24వ తేదీ నుంచి మార్చి 16వ తేదీ వరకు ఈ పరీక్షలు నిర్వహించనున్నారు. రెగ్యులర్‌, బ్యాక్‌లాగ్‌ విద్యార్థులకు రోజూ ఉదయం 9 గంటల నుంచి మధ్యాహ్నం 12 గంటల వరకు ఈ పరీక్షలు జరుగుతాయని ఇంటర్ బోర్డు ఓ ప్రకటనలో వెల్లడించింది.
ఉత్తరప్రదేశ్‌లోని గోరఖ్‌పూర్ జిల్లాలో, రేబీస్ వ్యాధి సోకినట్లు అనుమానిస్తున్న ఒక ఆవు పాలతో తయారు చేసిన చరణామృతం తాగిన తర్వాత, రెండు గ్రామాలకు చెందిన సుమారు 450 మంది ప్రజలు రేబీస్ నిరోధక టీకాలు తీసుకున్నారు. అసాధారణంగా ప్రవర్తించిన ఆవు మంగళవారం సాయంత్రం మరణించడంతో, ముందుజాగ్రత్త చర్యగా ఆరోగ్య శాఖ టీకాల కార్యక్రమాన్ని నిర్వహించింది.
మనం ప్రేమించే వారందరికీ ఆనందాన్ని పంచేందుకు మనస్ఫూర్తిగా కృషి చేసే సంవత్సరంలోని అతికొద్ది సందర్భాలలో దీపావళి ఒకటి. ఇళ్లను అలంకరించడం, పూజాకార్యక్రమాలకు సిద్ధం కావడం నుంచి బహుమతులను ఎంచుకోవడం, కుటుంబసభ్యులు, స్నేహితులను ఆహ్వానించడం వరకు ప్రతి చిన్న విషయం ముఖ్యమే. అయితే, ఈ వేడుకల మధ్యలో మన సన్నిహితుల పట్ల మనం చూపించే అతి సాధారణమైన ప్రేమ వ్యక్తీకరణలు తరచుగా వెనకబడిపోతాయి. ‘మేము నుండి మనం’ అనే ఇంద్రియ తత్వానికి అనుగుణంగా, ప్రతి వేడుకకు కేంద్రంగా నిలిచే సంబంధాలు మరియు అనుబంధ క్షణాలను ‘ఫెస్టివల్ ఆఫ్ లవ్’ జరుపుకుంటుంది.
హైదరాబాదు: రోగ ఫలితాలను, జీవన నాణ్యతను మెరుగుపరచే ఉద్దేశముతో, రోగనిర్ధారణ, చికిత్సలకు మరింత ఖచ్ఛితమైన, లక్ష్యార్ధమైన మరియు అతితక్కువ కోత ఉన్న విధానాలను అందుబాటులోకి తెచ్చేందుకు ప్రోస్టేట్ సంరక్షణలో పురోగతులు పెరుగుతున్నాయి. కెనడా-ఆధారిత ప్రొఫౌండ్ మెడికల్ కార్ప్ వారి TULSA-Pro వ్యవస్థను ఈ దేశానికి తీసుకొనిరావడముద్ వారా విజ్ఞానశాస్త్రములో ప్రపంచ స్థాయి సాంకేతికతలు, పరిష్కారాలను ప్రవేశపెట్టడములో ప్రసిద్ధమైన DSS ఇమేజ్టెక్ గత కొన్ని సంవత్సరాలుగా భారతదేశములో ప్రోస్టేట్ క్యాన్సర్ చికిత్సలో విప్లవాత్మకంగా కృషిచేస్తోంది. ఈ సాంకేతికత ప్రస్తుతము KIMS హాస్పిటల్స్, హైదరాబాదులో మాత్రమే అందుబాటులో ఉంది.
హైదరాబాద్ నగరంలో ఓ ఆసక్తికర సంఘటన వెలుగు చూసింది. కుటుంబ వివాదం కారణంగా మరిది కొరికాడని వదిన పోలీసులకు ఫిర్యాదు చేశారు. తాజాగా వెలుగులోకి వచ్చిన ఈ వివరాలను పరిశీలిస్తే, విజయ కుమార్, సౌమ్య అనే దంపతులు హైదరాబాద్ ఫిల్మ్ నగర్‌లో ఉంటున్నారు. అయితే, భర్త ఉద్యోగం చేయకుండా తన బంగారు ఆభరణాలు తీసుకున్నాడని భార్య ఆరోపణలు చేస్తూ వస్తోంది.
భారతదేశ వ్యాప్తంగా సమగ్ర ఫెసిలిటీ మేనేజ్‌మెంట్‌, సిబ్బంది నియామక పరిష్కారాలు, భద్రతా సేవలు, క్యాటరింగ్‌, వ్యర్థాల నిర్వహణ సేవలను అందిస్తున్న క్రిస్టల్‌ ఇంటిగ్రేటెడ్‌ సర్వీసెస్‌ లిమిటెడ్ (కేఐఎస్‌ఎల్‌), ఫ్రాన్స్ ప్రభుత్వ యాజమాన్యంలోని ఈడీఎఫ్‌ గ్రూప్‌కు చెందిన ప్రస్తుత వాటాదారుల నుంచి సిటీలమ్‌ ఇండియా ప్రైవేట్ లిమిటెడ్(సిటీలమ్‌ ఇండియా)లో 100 శాతం ఈక్విటీ వాటాను కొనుగోలు చేసినట్లు ప్రకటించింది. ఇందులో సిటీలమ్‌ ఎస్‌ఏఎస్‌, ఫ్రాన్స్ కూడా ఉంది. ఈ కొనుగోలుతో సిటీలమ్‌ ఇండియా, క్రిస్టల్‌ ఇంటిగ్రేటెడ్‌ సర్వీసెస్‌ లిమిటెడ్‌కు పూర్తి యాజమాన్యంలోని అనుబంధ సంస్థగా మారనుంది.
రెబల్ స్టార్ ప్రభాస్. ప్రతిష్టాత్మక చిత్రాల్లో నటిస్తూ భారతీయ సినిమా కీర్తిని కొత్త శిఖరాలకు చేరుస్తున్నారు ప్రభాస్. ఈశ్వర్ సినిమాతో మొదలైన ప్రభాస్ సిల్వర్ స్క్రీన్ జర్నీ 24 ఏళ్లుగా బాక్సాఫీస్ వద్ద కొత్త రికార్డులు క్రియేట్ చేస్తూ సక్సెస్ ఫుల్ గా కొనసాగుతోంది. అందరినీ ప్రేమించే తత్వమే ప్రభాస్ ను అందరూ ఇష్టపడే డార్లింగ్ లా మార్చేసింది. స్టార్ గా ప్రభాస్ స్టామినా బాక్సాఫీస్ రికార్డులు చెబితే, అందరూ ప్రేమగా పిలిచే డార్లింగ్ అనే మాట వ్యక్తిగా ఆయన గొప్పదనం చూపిస్తుంది.
హైదరాబాద్: హైదరాబాద్‌కు చెందిన ఆధునిక క్లీన్‌ లేబుల్‌ డెయిరీ, సహజ ఆహార ఉత్పత్తుల బ్రాండ్‌ వి-రిచ్, హైదరాబాద్‌కు చెందిన పశ్చిమ, తూర్పు ప్రాంతాల్లో రోజువారీ గేదె పాల సబ్‌స్క్రిప్షన్లను విస్తరిస్తున్నట్లు ప్రకటించింది. ఈ వ్యూహాత్మక విస్తరణ పూర్తిగా సమీకృతమైన 'ఫామ్-టు-డోర్‌స్టెప్' సరఫరా విధానంపై ఆధారపడి ఉంది. తమ సొంత ప్రత్యేక ఫామ్‌ల ద్వారా కార్యకలాపాలను నిర్వహిస్తూ, పశువుల సంరక్షణ, దాణా పద్ధతులు, వ్యవసాయ క్షేత్రాల నిర్వహణ, పాల సేకరణ, నిర్వహణ వంటి అంశాలపై ప్రత్యక్ష పర్యవేక్షణను వి-రిచ్ కలిగి ఉంటుంది. ఈ కార్యాచరణ నియంత్రణే దాని నాణ్యత-ఆధారిత విధానానికి పునాది వేస్తుంది.
డీఆర్‌ఆర్ ప్రొడక్షన్స్‌ బ్యానర్‌పై తెరకెక్కనున్న తొలి చిత్రం ‘పూజా కార్యక్రమాలతో ఘనంగా ప్రారంభమైంది. డాక్టర్‌ దామోదర్‌ నేరేళ్ల తన డ్రీమ్ ప్రాజెక్టుగా ఈ చిత్రాన్ని నిర్మిస్తున్నారు. శశాంక్‌ దువ్వూరు దర్శకుడిగా పరిచయమవుతున్నారు. రవి శివతేజ, భాస్కర్ పరమాత్ముని, సుబ్రహ్మణ్యం అల ప్రధాన పాత్రల్లో నటిస్తుండగా, నేహా పఠాన్‌ కథానాయికగా కనిపించనున్నారు. స్నేహం, ప్రేమ, కుటుంబ అనుబంధాలతో పాటు సైన్స్ ఫిక్షన్‌ అంశాలను మేళవిస్తూ విభిన్నమైన కథాంశంతో ఈ చిత్రాన్ని రూపొందించేందుకు చిత్ర బృందం సిద్ధమవుతోంది.
భోపాల్‌లోని నేషనల్ ఇన్‌స్టిట్యూట్ ఆఫ్ హై సెక్యూరిటీ యానిమల్ డిసీజెస్ (ఎన్ఐహెచ్ఎస్ఏడీ), నీటి పక్షులలో H5N1 ఏవియన్ ఇన్ఫ్లుయెన్జా (బర్డ్ ఫ్లూ) సోకినట్లు నిర్ధారించింది. దీనిని దృష్టిలో ఉంచుకుని, ముందస్తు జాగ్రత్త చర్యగా చెన్నైలోని వండలూరు జూ మూతపడింది. గురువారం నుండి రెండు రోజుల పాటు సందర్శకులు జూకు రావద్దని అధికారులు కోరారు. అక్టోబర్ 21, 2026న NIHSAD ఈ ఇన్ఫెక్షన్‌ను ధృవీకరించిన నేపథ్యంలో, ముందస్తు జాగ్రత్తగా అక్టోబర్ 22, 23 తేదీలలో సందర్శకులను అనుమతించబోమని జూ అధికారులు తెలిపారు.
దాదాపు 20 ఏళ్ల తర్వాత విక్టరీ వెంకటేష్, త్రివిక్రమ్ శ్రీనివాస్ కలయికలో వస్తున్న చిత్రం ఆదర్శ కుటుంబం – హౌస్ నెం. 47 రాబోతోంది. ఇప్పటికే భారీ అంచనాలు నెలకొన్నాయి. ఇప్పటివరకు విడుదలైన రెండు పాటలు, టీజర్ ప్రేక్షకుల్లో ఆసక్తిని పెంచాయి. మధ్యతరగతి కుటుంబ జీవితంలోని సహజమైన సంఘటనలు, కుటుంబ సభ్యుల మధ్య అనుబంధాలు, చమత్కారమైన సంభాషణలు, హాస్యం, భావోద్వేగాలు, యాక్షన్ అంశాల సమ్మేళనంగా ఈ చిత్రం ఉండబోతోందనే సంకేతాలను టీజర్ అందించింది.
తన భార్యను భర్త ప్రేమగా కౌగలించుకున్నారు. ఈ హగ్‌లో ఏం జరిగిందో ఏమోగానీ భార్య ఎముకలు విరిగిపోయాయి. ఈ వింత ఘటన ఇపుడు నెట్టింట చర్చనీయాంశంగా మారింది. బరువు తగ్గేందుకు రాత్రి భోజనం మానేస్తున్న ఓ మహిళకు అనూహ్యంగా తీవ్ర గాయాలయ్యాయి. భర్త ప్రేమగా కౌగిలించుకోవడంతో ఆమెకు ఐదు పక్కటెముకలు విరగ్గా.. మరో ఎముకకు పగులు ఏర్పడింది. ఈ ఘటన జియాంగ్సు ప్రావిన్స్‌లో చోటుచేసుకున్నట్లు చైనా మీడియా కథనాలు పేర్కొన్నాయి.
చిత్రపరిశ్రమలోని కుర్రకారు హీరోయిన్లలో కయదు లొహర్ ఒకరు. తెలుగు, తమిళ భాషల్లో వరుస చిత్రాల్లో నటిస్తున్నారు. ఆమె నటిస్తున్న చిత్రాలు బాక్సాఫీస్ వద్ద పరాజయం పాలవుతున్నప్పటికీ మేకర్స్ మాత్రం ఆమెకు వరుస ఆఫర్లు ఇస్తున్నారు. ఈ నేపథ్యంలో ఇటీవల ఓ షూటింగు సమయంలో తాగిపడేసిన ప్లాస్టిక్ వాటర్ బాటిల్‌ను కేరళకు చెందిన ఓ అభిమాన్ని తీసుకుని ఓఎల్ఎక్స‌లో ఏకంగా రూ.3 లక్షలకు అమ్మకానికి పెట్టాడు.
"సమ్మర్ హాలిడేస్" సినిమాను మన చిన్ననాటి జ్ఞాపకాలను గుర్తుచేసే ఒక అందమైన కథతో దర్శకుడు శ్రీకర్ రూపొందిస్తున్నారు. ఈ చిత్రంలో మాస్టర్ రోహన్, మాస్టర్ అరుణ్, బేబి ఖుషి కీలక పాత్రల్లో నటిస్తున్నారు. నవంబర్ 6న "సమ్మర్ హాలిడేస్" సినిమా గ్రాండ్ థియేట్రికల్ రిలీజ్ కు వస్తోంది. ఈ రోజు ఈ చిత్ర రిలీజ్ డేట్ అనౌన్స్ మెంట్ ప్రెస్ మీట్ ను హైదరాబాద్ లో నిర్వహించారు.
కాక్రోచ్ జనతా పార్టీ నేతలు తీహార్ జైలు నుంచి విడుదలయ్యారు. ఆ వెంటనే పోలీసులు వారికి నోటీసులు ఇచ్చారు. ఇటీవల ఢిల్లీలోని జంతర్ మంతర్, కన్నాట్ ప్లేస్ తదితర ప్రాంతాల్లో పోలీసుల అనుమతి లేకుండా ఆందోళనలు, నిరసన కార్యక్రమాలు జరిపిన విషయం తెల్సిందే. ముఖ్యంగా నిషేధాజ్ఞలు అమల్లో ఉన్న రామ్ లీలా మైదానంలో పోలీసుల బ్యారికేడ్లను దాటుకుని కాక్రోచ్ జనతా పార్టీ నేతలైన సౌరభ్ దాస్, అశుతోష్ రంకా, అజింక్య షిండేలు ప్రవేశించారు. దీంతో పోలీసులు వారిపై కేసు నమోదు చేసి జ్యూడీషియల్ కస్టడీకి పంపించారు.
చాలా రోజుల తర్వాత అతడికి భార్య కనబడేసరికి పట్టరాని సంతోషంతో గట్టిగా కౌగలించుకున్నాడు ఓ భర్త. ఆ బలమైన అతడి కౌగిలికి భార్య ఎముకలు పటపటా విరిగిపోయాయి. దాంతో భరించలేని బాధతో విలవిలలాడుతూ కింద కూలబడిపోయిందా భార్య. ఈ ఘటన చైనాలోని జియాంగ్సు ప్రావిన్సులో జరిగింది. భార్యను చాలారోజుల తర్వాత చూసిన సదరు భర్త ఎంతో ఆనందంతో ఉక్కిరిబిక్కిరై భార్యను గట్టిగా వాటేసుకున్నాడు. దీనితో ఆమె పక్కటెముకలు విరిగినట్లు సీటీ స్కానులో తేలింది.మరో ఎముకకి క్రాక్ కూడా వచ్చినట్లు వైద్యులు తెలియజేసారు.
సోషల్ మీడియా సెలబ్రిటీల జీవితంలో ఒక అంతర్భాగంగా మారింది. కానీ చాలా మంది నటీమణులకు ఇది ట్రోలింగ్, దూషణలు, బాడీ షేమింగ్, డీప్ ఫేక్ కంటెంట్‌కు ఒక వేదికగా కూడా మారింది. అయితే, మౌనంగా బాధపడటానికి బదులుగా, చాలా మంది నటీమణులు ఇప్పుడు ఆన్‌లైన్ వేధింపులను ఎదుర్కోవడం, డిజిటల్ ప్లాట్‌ఫారమ్‌ల నుండి విరామం తీసుకోవడం లేదా బాధ్యులపై చట్టపరమైన చర్యలు తీసుకోవడం వంటివి ఎంచుకుంటున్నారు.
చిన్నచిన్న కారణాలకే కొంతమంది రాక్షసులుగా మారిపోతున్నారు. రూ. 20 వాటర్ బాటిల్ తీసుకున్నాడన్న ఆగ్రహంతో ఓ వ్యక్తిని విజయవాడ లోని పటమటలో హత్య చేసారు నలుగురు వ్యక్తులు. పూర్తి వివరాలు ఇలా వున్నాయి. తెలంగాణలోని యాదాద్రి భువనగిరి జిల్లా మోత్కూరులో ఫాస్ట్‌ఫుడ్ సెంటర్లో 33 ఏళ్ల సాయికుమార్ పనిచేస్తున్నాడు. ఇతడికి భార్య, ఇద్దరు కుమార్తెలు, ఒక కుమారుడు వున్నారు. కాగా వారం రోజుల క్రితం ఓ పనిపైన విశాఖకు వెళ్తున్నట్లు ఫాస్ట్ ఫుడ్ యజమానికి చెప్పి బయలుదేరాడు. ఈ క్రమంలో అతడు అక్టోబరు 18న విజయవాడ చేరుకున్నాడు.
ఆంధ్రప్రదేశ్ పేరుతో నడుస్తున్న ఒక నకిలీ వాట్సాప్ ఛానెల్‌పై చట్టపరమైన చర్యలు తీసుకోవాలని ఆంధ్రప్రదేశ్ ఉప ముఖ్యమంత్రి పవన్ కళ్యాణ్ గురువారం ఆదేశించారు. ఈ అనధికారిక ఛానెల్, కార్యాలయం గుర్తింపును దుర్వినియోగం చేస్తూ తప్పుదోవ పట్టించే సమాచారాన్ని, సంబంధం లేని కంటెంట్‌ను వ్యాప్తి చేస్తోందని ఉప ముఖ్యమంత్రి కార్యాలయం ఒక ప్రకటనలో తెలిపింది.
కాంగ్రెస్ పూర్వ అధ్యక్షురాలు సోనియా గాంధీ సోషల్ మీడియా ఫ్లాట్‌ఫామ్‌లలో ఒకటైన ఇన్‌స్టాగ్రామ్‌లోకి అడుగుపెట్టారు. సోనియా గాంధీ పేరుతో ప్రారంభమైన ఈ ఖాతాలో తొలిసారి గురువారం ఓ ట్వీట్ చేశారు. ఆత్మకథ 'బిలాంగింగ్‌ : ఎ జర్నీ ఆఫ్ లవ్' త్వరలో విడుదల కానున్న నేపథ్యంలో దానికి సంబంధించిన కొన్ని దృశ్యాలను షేర్ చేశారు.
అల్ ఖైదా చీఫ్ ఒసామా బిన్ లాడెన్ నక్కిన ప్రదేశంలో అండర్ వరల్డ్ దావూద్ ఇబ్రహీం ఉన్నాడని భారత్ గట్టిగా వాదిస్తోంది. అలాగే, ఐక్యరాజ్యసమితి (ఐరాస) ప్రత్యేక ప్రతినిధి ఇచ్చిన నివేదిక తప్పులతడకగా ఉందని మండిపడింది. అండర్‌వరల్డ్ డాన్ దావూద్ ఇబ్రహీం గురించి చేసిన ప్రస్తావనలు తోసిపుచ్చింది. దావూద్ డీ-కంపెనీ 'భారత్‌కు చెందిన క్రిమినల్ గ్రూప్' అని పేర్కొనడంపై మండిపడింది. ఈ మేరకు ఐరాసలో భారత శాశ్వత మిషన్ ఫస్ట్ సెక్రటరీ రఘూ పూరి మాట్లాడారు.
బెంగళూరులో ఓ మహిళా ప్రయాణికురాలు ర్యాపిడో డ్రైవరు పైన భౌతిక దాడికి దిగిన ఓ వీడియో సోషల్ మీడియాలో వైరల్ అవుతున్నది. వైరల్ అవుతున్న వీడియోలోని వివరాలు ఇలా వున్నాయి. ఓ మహిళా ప్రయాణికురాలు బెంగళూరు బనశంకరి బస్టాండుకి వెళ్లేందుకు ర్యాపిడో బుక్ చేసుకున్నది. ఐతే ర్యాపిడో డ్రైవర్ బస్టాండుకి కొద్ది దూరంలో ఆపేసి లొకేషన్ ఇదేనంటూ దిగమని చెప్పాడు. దాంతో తీవ్ర ఆగ్రహానికి గురైన సదరు మహిళా ప్రయాణికురాలు... బస్టాండు ఎక్కడ? నువ్వు నన్ను దించింది ఎక్కడ అంటూ అతడిపై కేకలు వేసింది. ఆగ్రహం చల్లారక అతడిపై పిడిగుద్దులు గుద్దుతూ మీదకు వెళ్లింది.
ఫ్యూచర్స్ మార్కెట్‌లో గురువారం నాడు బంగారం, వెండి ధరలు భారీగా తగ్గాయి. దీనికి ప్రధాన కారణాలు మార్కెట్‌లో డిమాండ్ బలహీనంగా ఉండటం, పాల్గొనేవారు పెద్ద ఎత్తున విక్రయాలకు మొగ్గు చూపడం. మల్టీ కమోడిటీ ఎక్స్ఛేంజ్‌లో, డిసెంబర్ డెలివరీకి సంబంధించిన బంగారం కాంట్రాక్టులు రూ. 1,724 (1.18 శాతం) తగ్గి, 10 గ్రాములకు రూ. 1,44,355 వద్ద ముగిశాయి. ఈ క్రమంలో 1,474 లాట్ల వ్యాపారం జరిగింది.
శ్రీకాకుళం జిల్లాలోని పెద్దగనగల్లవానిపేట బీచ్‌లో సెల్ఫీలు తీసుకుంటుండగా, బలమైన అలలకు కొట్టుకుపోయి ముగ్గురు యువతులు సహా నలుగురు యువతీయువకులు మరణించారు. వీరు శ్రీకాకుళం పట్టణంలోని కొత్తరోడ్డులో ఉన్న ఒక హాస్టల్‌లో ఉంటున్న 25 మంది శిక్షణార్థులలో భాగంగా ఉన్నారు. దసరా పండుగ సెలవు దినమైన మంగళవారం నాడు వీరు బీచ్‌ను సందర్శించారు. సమాచారం ప్రకారం, విజయనగరం జిల్లా కెంగువ గ్రామానికి చెందిన కొండల మాధవి (19), రామభద్రపురానికి చెందిన గొల్లపల్లి పవని (19), పార్వతీపురం మన్యం జిల్లా మావుడి గ్రామానికి చెందిన మర్రి మహి (18) అనే యువతులు సెల్ఫీలు తీసుకుంటున్న సమయంలో నీటిలోకి వెళ్లారు.
భారతీయ పురాణాలు, అంతుచిక్కని రహస్యాలు, ఫ్యూచరిస్టిక్ టెక్నాలజీ కలయికతో సరికొత్త సినిమాటిక్ ప్రపంచాన్ని ఆవిష్కరించేందుకు 'ఆర్విహా క్రియేషన్స్' సిద్ధమవుతోంది. ఈ సంస్థ తన తొలి చిత్రంగా తెరకెక్కిస్తున్న ‘ది ప్రాంప్ట్ వార్-రైజ్ ఆఫ్ మహావీర్’ టైటిల్‌ను 2026 దసరా పండుగ సందర్భంగా ప్రకటించింది. ఈ సందర్భంగా విడుదల చేసిన టైటిల్ పోస్టర్ ప్రేక్షకుల్లో ఆసక్తిని పెంచుతోంది. ముఖ్యంగా ఆర్టిఫిషియల్ ఇంటెలిజెన్స్ (ఏఐ) ఆధారిత కథా ప్రపంచంతో ఈ సినిమా రూపొందుతుండటం ప్రత్యేక ఆకర్షణగా నిలుస్తోంది.
ఎస్‌జేసీ క్రియేషన్స్ (శ్రీ జ్యోతిర్మయి క్రియేషన్స్) బ్యానర్‌పై మరో ఆసక్తికరమైన చిత్రం ప్రేక్షకుల ముందుకు రాబోతోంది. బ్యానర్‌లో ప్రొడక్షన్ నంబర్ 1గా రూపొందుతున్న ‘GEN Z GIRLS’ విజయదశమి పర్వదినాన్ని పురస్కరించుకుని చిత్ర బృందం ఈ సినిమా పోస్టర్‌ను విడుదల చేసింది.
విజయ్ దేవరకొండ, రష్మిక మందన్న 2026 ఫిబ్రవరిలో వివాహం చేసుకున్నారు. కాఫీ విత్ కరణ లో విషయాలు పంచుకున్నారు రష్మిక మందన్, విజయ్ దేవరకొండ. అక్టోబర్ 21న ప్రసారమైన ఈ షో ఎపిసోడ్‌లో తొలిసారిగా కలిసి కనిపించారు. ఉదయ్‌పూర్‌లో జరిగిన వారి సంగీత్ కార్యక్రమంలో విజయ్ ప్రపోజ్ చేయడానికి ముందు, రష్మిక అతనికి దాదాపు 100 సార్లు ప్రపోజ్ చేయడం గురించి వారు ముచ్చటించారు.
కాకినాడ జిల్లాలో జరిగిన ఒక విషాదకర రోడ్డు ప్రమాదంలో, విజయవాడకు అమ్మవారి దర్శనానికి వెళ్తున్న భవానీ దీక్షా భక్తులను అతివేగంగా వచ్చిన ఒక స్కార్పియో వాహనం ఢీకొట్టింది. ప్రతిపాడు అసెంబ్లీ నియోజకవర్గ పరిధిలోని కత్తిపూడి సమీపంలో జరిగిన ఈ ప్రమాదంలో నలుగురు భక్తులు మరణించారు. విజయనగరం జిల్లా, దెంకాడకు చెందిన సుమారు 40 మంది భవానీ భక్తులు ఒక ప్రైవేట్ బస్సులో విజయవాడకు బయలుదేరారు. బస్సు కాకినాడ జిల్లాలోని కత్తిపూడికి చేరుకున్నప్పుడు, అకస్మాత్తుగా సాంకేతిక సమస్య తలెత్తింది. డ్రైవర్ బస్సును రోడ్డు పక్కన సురక్షితంగా నిలపగా, మరమ్మతులు జరుగుతున్న సమయంలో కొంతమంది భక్తులు విరామం కోసం బస్సు దిగారు.
జ్యోతి పూర్వజ్, పూర్వాజ్, లీడ్ రోల్స్ లో నటిస్తున్న సెన్సేషనల్ సై ఫై థ్రిల్లర్ మూవీ "కిల్లర్". ఈ చిత్రంలో మనీష్ గిలాడా, చంద్రకాంత్ కొల్లు, అయినాబత్తిన దశరథ మాధవ్, విశాల్ రాజ్, అర్చన అనంత్, గౌతమ్ చక్రధర్ కొప్పిశెట్టి ఇతర పాత్రల్లో నటిస్తున్నారు. ఏయూ అండ్ ఐ స్టూడియోస్ బ్యానర్స్ పై పూర్వాజ్ , పద్మనాభ రెడ్డి.ఎ. నిర్మిస్తున్నారు. ఉర్వీశ్ పూర్వజ్ సమర్పకులుగా వ్యవహరిస్తున్నారు. పూర్వాజ్ దర్శకత్వం వహిస్తున్నారు. "కిల్లర్" సినిమా ఈ నెల 30న వరల్డ్ వైడ్ గ్రాండ్ థియేట్రికల్ రిలీజ్ రాబోతోంది. ఈ చిత్ర ట్రైలర్ ను పవర్ డైరెక్టర్ హరీశ్ శంకర్ చేతుల మీదుగా హైదరాబాద్ లో గ్రాండ్ గా రిలీజ్ చేశారు.
రొమాంటిక్ తెలంగాణ వైబ్‌తో శ్రోతలను ఆకట్టుకున్న హిట్ ఫస్ట్ సింగిల్ 'శ్రీలత' తర్వాత, రాబోయే తెలుగు ఫ్యామిలీ డ్రామా 'ఇడుపు కాయితం' నుండి 'గడప' పాట యొక్క లిరికల్ వీడియో అక్టోబర్ 23న విడుదల కానుంది. ప్రియదర్శి తొలిసారిగా నటిస్తున్న నాగ దుర్గ నటించిన ఈ చిత్రానికి వంశీ రెడ్డి దొండపాటి దర్శకత్వం వహించారు. ఈ చిత్రం సాంస్కృతిక మూలాలు మరియు రోజువారీ భావోద్వేగాలలోకి లోతుగా వెళుతుంది.
భారత క్రికెటర్ హార్దిక్ పాండ్యా వచ్చే 2027 ఐపీఎల్ సీజన్ వరకు దూరంగా ఉండొచ్చని వార్తలు వస్తున్నాయి. కాలి కండరాల లోపలి భాగంలో ఏర్పడిన స్ట్రెస్ గాయం నుంచి పూర్తిగా కోలుకునేందుకు హార్దిక్‌కు మరికొంత సమయం పట్టొచ్చని తెలుస్తోంది. ప్రస్తుతం పాండ్యా బెంగులళూరులోని బీసీసీఐ సెంటర్ ఆఫ్ ఎక్స్‌లెన్స్‌లోని పునరావాస కేంద్రంలో చికిత్స తీసుకుంటున్నాడు. ఈ నేపథ్యంలో పాండ్యా పూర్తిస్థాయిలో కోలుకునేందుకు మరికొంత సమయం పట్టొచ్చని వైద్య వర్గాలు పేర్కొంటున్నాయి. దీంతో వచ్చే ఏడాది మార్చిలో ప్రారంభమయ్యే అవకాశం ఉన్న ఐపీఎల్ 2027 వరకు పోటీ క్రికెట్‌కు దూరంగా ఉండొచ్చని తెలిపింది. అయితే, అతడి పునరాగమనంపై బీసీసీఐ నుంచి అధికారిక ప్రకటన వెలువడలేదు.
తమపై యుద్ధం చేస్తున్న అమెరికాకు ఇరాన్ స్ట్రాంగ్ వార్నింగ్ ఇచ్చింది. అమెరికా నుంచి ఎదురవుతున్న బెదిరింపులకు ప్రతిస్పందనగా ఫాదర్ ఆఫ్ ఆల్ బాంబ్స్ అనే కొత్త ఆయుధాన్ని ఆవిష్కరించేందుకు సిద్ధంగా ఉన్నట్టు ఇరాన్ ప్రకటించింది. ఈ మేరకు ఇరాన్ ఇస్లామిక్ రివల్యూషనరీ గార్డ్ కార్ప్స్ (ఐఆర్‌సీ) ఈ సంచలన ప్రకటన చేసింది. దీంతో పశ్చిమాసియాలో మరోమారు ఉద్రిక్త పరిస్థితులు నెలకొన్నాయి.
రాత్రి కురిసిన భారీ వర్షాల కారణంగా చెన్నైలోని పలు ప్రాంతాలు జలమయమయ్యాయి. బుధవారం ఉదయం 6 గంటలకు ముగిసిన 24 గంటల వ్యవధిలో నగరంలో సగటున 70.25 మిల్లీమీటర్ల వర్షపాతం నమోదైంది. ఉదయం 5 గంటల సమయానికి, గ్రేటర్ చెన్నై కార్పొరేషన్ (జీసీసీ)కి వర్ష సంబంధిత సమస్యలపై 1,212 ఫిర్యాదులు అందాయి. అదే సమయంలో, నీటి నిల్వను ఎదుర్కోవడానికి అధికారులు అధిక సామర్థ్యం గల పంపులను మోహరించారు. వర్షపునీటి కాలువలు, వరద నివారణ చర్యలపై భారీగా ఖర్చు చేసినప్పటికీ, టి. నగర్, పనగల్ పార్క్ పరిసర ప్రాంతాల్లో నిరంతరంగా నీరు నిలిచిపోవడాన్ని ఉటంకిస్తూ, నివాసితులు, పౌర కార్యకర్తలు ఈ చర్యల ప్రభావశీలతను ప్రశ్నించారు. తదుపరి వర్షాలు కురవక ముందే, చేపట్టిన పనుల ప్రభావాన్ని అంచనా వేయడానికి, లోపాలను గుర్తించడానికి తిరుప్పుగళ్ కమిటీ నివేదికను ప్రచురించాలని, ప్రజాభిప్రాయ సేకరణ జరపాలని వారు డిమాండ్ చేశారు.
గత కొన్ని రోజులుగా ఫ్రాన్స్ దేశంలో అల్లరు జరుగుతున్నాయి. ఇవి తారా స్థాయికి చేరాయి. దీంతో ఫ్రాన్స్‌లో పర్యటించాలని భావించే భారత ప్రజలకు ఇండియన్ ఎంబసీ ట్రావెల్ అడ్వైజరీ జారీచేసింది. భారత్‌లో నివసిస్తున్న, పర్యటిస్తున్న భారతీయ ప్రజలు నిరంతరం అప్రమత్తంగా ఉండాలని బుధవారం ఓ ప్రకటనలో కోరింది. ఫ్రాన్స్ దేశంలో చెలరేగుతున్న ఆందోళనల కారణంగా ట్రావెల్, భద్రతా సలహాను విడుదల చేసినట్టు స్పష్టం చేసింది.
రెండు తెలుగు రాష్ట్రాల్లోనూ బియ్యం ధరలు ఒక్కసారిగా పెరిగిపోయాయి. దీనివల్ల నాణ్యమైన రకాల బియ్యం సామాన్యులకు అందుబాటులో లేకుండా పోయాయి. జూన్ నెలలో కిలోకు సుమారు 52 రూపాయలుగా ఉన్న ఎన్‌డీఎల్, కర్నూలు సోనా మసూరి బియ్యం ధర, ప్రస్తుతం 92 రూపాయలకు చేరుకుంది. చిల్లర ధరలు దీనికంటే మరో 5 రూపాయలు అదనంగా ఉండటంతో, త్వరలోనే నాణ్యమైన బియ్యం ధర కిలోకు 100 రూపాయలు దాటిపోతుందేమోనని ప్రజలు ఆందోళన చెందుతున్నారు.
ఆంధ్రప్రదేశ్ రాష్ట్రంలోని కర్నూలు జిల్లా దేవరగట్టు రక్తం చిందింది. దసరా పండుగ మరుసటి రోజే గ్రామాల ప్రజలు కర్రలతో కొట్టుకున్నారు. ఉత్సవం పేరుతో జరిగిన ఈ కొట్లాటలో ఒకరు ప్రాణాలు కోల్పోగా, మరికొందరు గాయపడ్డారు. తాజాగా వెలుగులోకి వచ్చిన ఈ వివరాలను పరిశీలిస్తే,
నదీ జలాల పంపిణీకి సంబంధించి తెలంగాణ, ఆంధ్రప్రదేశ్ రాష్ట్రాల మధ్య వచ్చే వారం కీలక చర్చలు జరగనున్నాయి. ఈ నెల చివరి వారంలో కృష్ణా నదీ యాజమాన్య బోర్డు, గోదావరి నదీ యాజమాన్య బోర్డు సమావేశాలు జరగాల్సి ఉంది. ఇందులో భాగంగా కేఆర్ఎంబీ సమావేశం అక్టోబర్ 26న, జీఆర్ఎంబీ సమావేశం అక్టోబర్ 30న నిర్వహించనున్నారు. ఈ రెండు నదుల నీటి పంపిణీకి సంబంధించి ఇరు రాష్ట్రాల మధ్య ఇంకా పరిష్కారం కాని అనేక అంశాలు ఉన్నాయి. వీటిపై రెండు రాష్ట్రాలు భిన్నమైన డిమాండ్లను కలిగి ఉన్నాయి.
ఆదోని మున్సిపల్ ఎన్నికల సీట్ల పంపకంపై అధికార కూటమి ఏకాభిప్రాయానికి రాలేకపోవడంతో, తెలుగుదేశం (టీడీ), వైఎస్సార్‌సీ, జనసేన (జేఎస్)ల మధ్య పోటీకి రంగం సిద్ధమైంది.మాజీ ఎమ్మెల్యే మీనాక్షి నాయుడు మేనకోడలు టీడీపీ అభ్యర్థిగా నామినేషన్ దాఖలు చేయగా, జనసేన తరఫున మరో అభ్యర్థి బరిలోకి దిగారు. బుధవారం జరిగిన నామినేషన్ల ఉపసంహరణ ప్రక్రియలో ఏ అభ్యర్థి కూడా వైదొలగకపోవడంతో, కూటమి భాగస్వాములు ఒకరితో ఒకరు పోటీ పడనున్నారు.
కర్నూలు జిల్లా దేవరగట్టులో దసరా పండుగ సందర్భంగా నిర్వహించిన సాంప్రదాయ బన్ని ఉత్సవంలో ఒక వ్యక్తి మరణించగా, 100 మందికి పైగా భక్తులు గాయపడ్డారు. శ్రీ మాల మల్లేశ్వర స్వామి కల్యాణోత్సవం ముగిసిన తర్వాత, అర్ధరాత్రి దాటిన వేళ ఈ ఉత్సవం హింసాత్మకంగా మారింది. ఉత్సవ విగ్రహాల ఊరేగింపు సమయంలో భక్తుల మధ్య ఘర్షణ చెలరేగింది. వారు ఒకరిపై ఒకరు కర్రలతో, వెలుగుతున్న కాగడాలతో దాడి చేసుకున్నారు.
మదురైకు చెందిన ఇన్‌స్టాగ్రామ్ ఇన్‌ఫ్లుయెన్సర్ వీరమణికి స్విగ్గీ ఇన్‌స్టామార్ట్ దీపావళి కానుకలు పంపించింది. గతంలో తన అడ్రస్‌, ఫోన్ నంబర్‌ను సోషల్ మీడియాలో షేర్ చేయడంతో అకతాయిలు లక్షలాది రూపాయల విలువైన నకిలీ క్యాష్ ఆన్ డెలివరీ (సీవోడీ) ఆఫర్లు పెట్టారు.
కర్నాటక రాష్ట్ర విధాన సౌథలో(అసెంబ్లీ)ను పేల్చివేసినట్టుగా కృత్రిమ మేథ (ఏఐ) వీడియో సృష్టించిన ఓ యువకుడుని బెంగుళూరు నగర పోలీసులు అరెస్టు చేశారు. విధాన సౌథలో బాంబు పేలుడు సంభవించినట్టుగా ఏఐతో ఓ వీడియోను సృష్టించిన యువకుడు.. ఆ వీడియోను ఇన్‌స్టాగ్రామ్ ఖాతాలో పోస్ట్ చేశాడు. ఈ వీడియో వైరల్ కావడంతో బెంగుళూరు నగర ప్రజలతో పాటు పోలీసులు హడలిపోయారు. ఆ తర్వాత దానిపై ఆరా తీయగా, అది ఏఐ వీడియో అని తేలడంతో ఊపిరి పీల్చుకున్నారు.
పండుగ సీజన్ కొనసాగుతున్న వేళ, ఇన్‌స్టామార్ట్ క్విక్ ఇండియా మూవ్‌మెంట్ సేల్‌లో ఎలక్ట్రానిక్స్, ఇల్లు, వంటగది వస్తువులు, పర్సనల్ కేర్, ఆహారం, రోజువారీ అవసరాలపై పలు ఆఫర్లు అందుబాటులో ఉన్నాయి. స్మార్ట్‌ఫోన్ అప్‌గ్రేడ్లు, హెడ్‌ఫోన్ల నుంచి వంటగది సామగ్రి, డిన్నర్ సెట్లు, స్నాక్స్ వరకు, పాల్గొంటున్న బ్రాండ్లు, విక్రేతల ఉత్పత్తులపై ఉన్న డీల్స్‌ను అక్టోబర్ 18న సేల్ ముగిసేలోపు చూడవచ్చు.కొత్త టెక్ పరికరం కొనాలనుకుంటున్నా, స్నేహితులు మరియు కుటుంబ సభ్యులను ఇంటికి ఆహ్వానించేందుకు సిద్ధమవుతున్నా, లేక రోజువారీ అవసరాలను నిల్వ చేసుకోవాలనుకుంటున్నా, పరిశీలించదగిన 10 డీల్స్ ఇవి.
హ్యుందాయ్ మోటార్ ఇండియా లిమిటెడ్ (హెచ్‌ఎమ్‌ఐఎల్) తన నూతన ఇంటెలిజెంట్ యుటిలిటీ వాహనం విడుదలకు ముందు, ఈ రోజు 'హ్యుందాయ్ బాయోన్' భద్రతా ఫీచర్లను వెల్లడించింది. గ్లోబల్ కే ఎన్‌హాన్స్డ్ ప్లాట్‌ఫామ్‌పై నిర్మితమైన హ్యుందాయ్ బాయోన్, భారతీయ 5-స్టార్ భద్రతా ప్రమాణాలకు అనుగుణంగా తీర్చిదిద్దబడింది. బలపరిచిన బాడీ స్ట్రక్చర్, హై-స్ట్రెంగ్త్ స్టీల్ సాంకేతికతలు, హ్యుందాయ్ స్మార్ట్‌సెన్స్ లెవెల్ 2 ప్రో ఏడాస్- హైవే డ్రైవింగ్ ఇంటెలిజెన్స్ మరియు విస్తృతమైన భద్రతా ఫీచర్లతో హ్యుందాయ్ బాయోన్ ప్రయాణికులకు సురక్షితమైన ప్రయాణ అనుభవాన్ని అందిస్తుంది.
శిశువు మెడలో పేగు వేసుకుని జన్మిస్తే మేనమామకి, శిశువుకి దోషం అని పెద్దలు అంటుంటారు. దీనికి పరిహారంగా వివిధ రకాలైన పద్ధతులను పాటిస్తుంటారు. అయితే, సైన్స్- జ్యోతిష్య శాస్త్రాల ప్రకారం దీనికి సంబంధించి విషయాలను ఒకసారి పరిశీలిద్దాము. వైద్యపరంగా చూసినప్పుడు... పుట్టినప్పుడు శిశువు మెడ చుట్టూ నాభి నాళం చుట్టుకోవడం చాలా సాధారణమైన విషయమే.దీనివల్ల ఎలాంటి హాని జరగకుండా వైద్యులు సురక్షితంగా డెలివరీ చేస్తారు. దీనికి కోడి పేగును మెడలో వేసి కట్ చేయడం వంటి ఆచారాలతో ఎలాంటి శాస్త్రీయ సంబంధం లేదు.
రిలయన్స్ ఇండస్ట్రీస్ లిమిటెడ్ ఛైర్మన్- మేనేజింగ్ డైరెక్టర్ శ్రీ ముఖేష్ అంబానీ, ఎగ్జిక్యూటివ్ డైరెక్టర్ శ్రీ అనంత్ అంబానీ కలిసి, ప్రపంచంలోనే అతిపెద్ద రిఫైనరీకి నిలయమైన జామ్‌నగర్‌కు విచ్చేసిన అమెరికా విదేశాంగ కార్యదర్శి శ్రీ మార్కో రూబియో, భారతదేశంలో అమెరికా రాయబారి శ్రీ సెర్గియో గోర్‌లకు స్వాగతం పలికారు. ఈ గౌరవనీయ అతిథులకు ప్రపంచ స్థాయి రిఫైనరీ కాంప్లెక్స్‌లో పర్యటన ఏర్పాటు చేశారు. దీని ద్వారా వారు దాని పరిమాణం, అధునాతన సాంకేతికత, సమీకృత కార్యకలాపాలను ప్రత్యక్షంగా చూసే అవకాశం లభించింది.
యువ కథానాయకుడు సాయి ధరమ్ తేజ్ త్వరలో వివాహం చేసుకోబోతున్నారు. 2026 నవంబర్‌లో తన వివాహం జరగనున్నట్లు ఆయన గతంలోనే వెల్లడించారు. అయితే, వధువుకు సంబంధించిన వివరాలను గోప్యంగా ఉంచారు. వివాహానికి ముందు సాయి ధరమ్ తేజ్ స్వయంగా అధికారిక ప్రకటన చేయనున్నారు. గతంలో తన ప్రేయసితో విడిపోయిన తర్వాత తాను చాలా కష్టమైన కాలాన్ని ఎదుర్కొన్నానని ఆయన గతంలోనే పేర్కొన్నారు. సాయి ధరమ్ తేజ్ దాదాపు రెండేళ్లుగా సంబరాల ఏటి గట్టు అనే చిత్రం కోసం పని చేస్తున్నారు. రోహిత్ కె.పి. దర్శకత్వంలో తెరకెక్కుతున్న ఈ సినిమాను హనుమాన్ నిర్మాతలు నిరంజన్ రెడ్డి, చైతన్య రెడ్డి నిర్మిస్తున్నారు.
అల్లం. ప్రకృతి ప్రసాదించిన వనమూలికల్లో ఇది ఒకటి. ఈ అల్లంతో అద్భుతమైన ప్రయోజనాలున్నాయని వైద్యులు చెపుతారు. పసిపిల్లలున్న ఇంట్లో అల్లం, శొంఠి ఉండడం ఆనవాయితీ. ఉదయాన్ని అల్లంతో ప్రారంభించాలని పోషకాహార నిపుణులు చెపుతారు. ఎందుకో తెలుసుకుందాము.రోజువారీ మోతాదు విటమిన్ సి కోసం అల్లం టీ తాగితే సరిపోతుంది.అల్పాహారంలో కాస్తంత అల్లం జోడించడం వలన రుమటాయిడ్ ఆర్థరైటిస్ వంటివి తగ్గుతాయి.కొద్దిపాటి అల్లం రసం తాగితే జీవక్రియను పెంచడంతో పాటు బ్యాక్టీరియా శరీరంలోకి ప్రవేశించలేదు.వికారం, మార్నింగ్ సిక్నెస్‌తో వున్నవారికి అల్లం మేలు చేస్తుంది.అల్లం సహజ నొప్పి నివారిణి, ప్రత్యేకంగా వ్యాయామం-ప్రేరిత కండరాల నొప్పి, ఋతు నొప్పిని అడ్డుకుంటుంది.
