గల్లా జ‌య‌దేవ్ 'హగ్ ట్రీ' ఛాలెంజ్... సుమంత్ సమాధానం..!
సోష‌ల్ మీడియా వేదిక‌గా ఛాలెంజ్ విసిర‌డం... సెలబ్రిటీలు ఆ ఛాలెంజ్‌లు స్వీక‌రించ‌డం తెలిసిందే. ఇంత‌కీ ఏమిటి ఛాలెంజ్‌లు అనుకుంటున్నారా..? ఐస్ బ‌కెట్ ఛాలెంజ్, రైస్ బ‌కెట్ ఛాలెంజ్..! ఈ స్టైల్ లోనే కేంద్ర మంత్రి రాజ్యవర్థన్‌ రాథోడ్‌ మొదలుపెట్టిన ఫిట్‌నె
సోష‌ల్ మీడియా వేదిక‌గా ఛాలెంజ్ విసిర‌డం... సెలబ్రిటీలు ఆ ఛాలెంజ్‌లు స్వీక‌రించ‌డం తెలిసిందే. ఇంత‌కీ ఏమిటి ఛాలెంజ్‌లు అనుకుంటున్నారా..? ఐస్ బ‌కెట్ ఛాలెంజ్, రైస్ బ‌కెట్ ఛాలెంజ్..! ఈ స్టైల్ లోనే కేంద్ర మంత్రి రాజ్యవర్థన్‌ రాథోడ్‌ మొదలుపెట్టిన ఫిట్‌నెస్‌ ఛాలెంజ్ సవాల్‌ను పలువురు సెలబ్రిటీలు ఒకరినొకరు నామినేట్‌ చేసుకుంటూ చేసి చూపించారు. ఇప్పుడు మరో ఛాలెంజ్ ప్రారంభమైంది. అదే హగ్ ఏ ట్రీ ఛాలెంజ్. ఈ ఛాలెంట్ వైరల్‌ అయింది.
తెలుగుదేశం పార్టీ నాయ‌కుడు ఎంపీ గల్లా జయ్‌‌దేవ్‌ చెట్టును కౌగిలించుకుని, ‘మన జీవితంలో చెట్లు కీలక పాత్ర పోషిస్తాయి. అందుకు వాటికి ఓ వెచ్చటి కౌగిలిని ఇవ్వడం ద్వారా వేడుక చేసుకుందాం. ఈ ఛాలెంజ్‌ను మీరూ తీసుకోండి అన్నారు. అంతేకాకుండా... మరో అయిదుగురిని ఇందుకోసం నామినేట్‌ చేయండి’ అంటూ ఆయన అశోక్‌ గల్లా, సిద్ధార్థ్‌ గల్లా, సుధీర్‌బాబు, సుమంత్, రానా దగ్గుబాటిలకు ఈ ఛాలెంజ్‌ను విసిరారు.
గల్లా ఛాలెంజ్‌కి స్పందించిన సుమంత్ తన కుక్కతో పాటు చెట్టును కౌగిలించుకుని ‘నా బాయ్‌తో కలిసి ఛాలెంజ్‌ను పూర్తి చేశా. అఖిల్‌, నాగచైతన్య, సమంత, సుశాంత్‌, కృతి కర్బందాలను నామినేట్‌ చేస్తున్నాను అని సమాధానం ఇచ్చారు. మ‌రి... ఈ హగ్ ట్రీకు ఎలాంటి స్పందన వస్తుందో చూడాలి.
