పెళ్లి చేసుకోవాలంటా ఒత్తిడి తెచ్చిన చాందినీ... చంపేసిన ప్రియుడు...
హైదరాబాద్ న‌గ‌రంలో సంచ‌ల‌నం సృష్టించిన చాందినీ జైన్ హత్య కేసులోని మిస్టరీని ఎట్ట‌కేల‌కు పోలీసులు ఛేదించారు. చాందినీ జైన్‌ను త‌న ప్రియుడు సాయి కిరణ్ హత్య చేసిన‌ట్లుగా పోలీసులు నిర్ధారించారు. దీంతో స
హైదరాబాద్ న‌గ‌రంలో సంచ‌ల‌నం సృష్టించిన చాందినీ జైన్ హత్య కేసులోని మిస్టరీని ఎట్ట‌కేల‌కు పోలీసులు ఛేదించారు. చాందినీ జైన్‌ను త‌న ప్రియుడు సాయి కిరణ్ హత్య చేసిన‌ట్లుగా పోలీసులు నిర్ధారించారు. దీంతో సాయి కిర‌ణ్‌ను పోలీసులు అదుపులోకి తీసుకొని విచారిస్తున్నారు.
న‌గ‌రంలోని మదీనాగూడలో అదృశ్యమైన చాందినీ జైన్ మూడు రోజుల తర్వాత అమీన్‌పూర్ గుట్టలో శవమై కనిపించిన విషయం తెల్సిందే. ఈ హత్య వెలుగులోకి రావడంతో ఓ సంచలనంగా మారింది. వెంటనే రంగంలోకి దిగిన పోలీసులు ఈ కేసులోని మిస్టరీని ఛేదించారు.
సాయి కిరణ్ అనే యువకుడిని చాందనీ జైన్ ప్రేమించింది. సాయి కూడా మ‌దీనా గూడ‌లోని అపార్ట్‌మెంట్‌లో నివాస‌ముంటున్నాడు. త‌న‌ను పెళ్లి చేసుకోవాల‌ని సాయి కిర‌ణ్‌పై చాందినీ ఒత్తిడి తెస్తుండ‌టంతోనే త‌న‌ను హత్య చేసిన‌ట్లు సాయి కిరణ్ పోలీసులకు వాంగ్మూలం ఇచ్చాడు.
ముందుగా రూపొందించుకున్న ప‌థ‌కం ప్ర‌కార‌మే చాందినీని అమీన్‌పూర్‌లోని గుట్ట‌ల్లోకి తీసుకెళ్లి హత్య చేసిన‌ట్లు నిందితుడు అంగీకరించాడు. దీంతో చాందినీ డెత్ మిస్ట‌రీ వీడింది. అయితే, హ‌త్యకు ముందు చాందినీపై లైంగిక దాడి జ‌ర‌గ‌లేద‌ని పోలీసుల ద‌ర్యాప్తులో వెల్ల‌డైంది. మరిన్ని విషయాల కోసం సాయి కిరణ్ వద్ద విచారణ జరుపుతున్నారు.
