Daily Horoscope

Select Your Language

Notifications

webdunia
webdunia
webdunia
webdunia

వైకాపాకు విరాళాలు ఇచ్చేవారే కరవాయే... టీడీపీ తగ్గిన నిధులు

Advertiesment
ycp - tdp flags
ఆంధ్రప్రదేశ్ రాష్ట్రంలో రెండు ప్రధాన పార్టీలకు వచ్చే విరాళాల్లో భారీగా తగ్గుదల కనిపించింది. ముఖ్యంగా, అధికారంలో ఉన్నప్పటికీ టీడీపీకీ, అధికారంలో లేని వైకాపాకు ఈ విరాళాల్లో భారీ తగ్గుదల కనిపించింది. వైకాపాకు విరాళాలు ఇచ్చే వారి సంఖ్య గణనీయంగా తగ్గిపోయింది. గత యేడాదిలో ఈ తగ్గుదల కనిపించింది. 
 
ముఖ్యంగా, టీడీపీ కూటమి ప్రభుత్వం అధికారంలోకి వచ్చిన తర్వాత విరాళాలు తగ్గగా, ప్రతిపక్ష హోదాలో ఉన్న వైకాపాకు అందిన విరాళాల్లో భారీ పతనం కనిపించింది. 2025-26 ఆర్థిక సంవత్సరానికి సంబంధించి రూ.20 వేలకు మించి స్వీకరించిన విరాళాలన ఆయా పార్టీలు కేంద్ర ఎన్నికల సంఘానికి సమర్పించారు. 
 
ఆ నివేదికల ప్రకారం 2025-26లో వైకాపాకు కేవలం రూ.24.31 కోట్ల విరాళాలు మాత్రమే వచ్చాయి. అంతకుముందు ఈ మొత్తం రూ.140.04 కోట్లుగా ఉండటం గమనార్హం. అంటే అధికారం కోల్పోయిన తర్వాత ఆ పార్టీకి విరాళాలు ఇచ్చేవారి సంఖ్య లేకుండా పోయింది. ఫలితంగా వైకాపా విరాళాల్లో 82 శాతం క్షీణత కనిపించింది. 
 
మరోవైపు, అధికారంలో ఉన్న తెలుగుదేశం పార్టీ విరాళాలు కూడా తగ్గాయి. ఆ పార్టీకి కేవలం రూ.58.25 కోట్లు వచ్చాయి. అంతకుముందు యేడాది ఈ మొత్తం రూ.83.03 కోట్లుగా ఉంది. అధికారంలో ఉన్నప్పటికీ తెలుగుదేశం పారటీ అందిన విరాళాలు కూడా దాదాపు 30 శాతం మేరకు తగ్గుముఖం పట్టాయి. 

Share this Story:

Follow Webdunia telugu

తర్వాతి కథనం

వైజాగ్‌లో పీజీ వైద్య విద్యార్థిని ఆత్మహత్య