చినబాబుకు సినిమా చూపించిన విద్యార్థులు... (Video)
ఏపీ మంత్రి, టీడీపీ జాతీయ ప్రధాన కార్యదర్శి నారా లోకేష్‌కు పలువురు విద్యార్థులు సినిమా చూపించారు. పలు ప్రశ్నలు సంధించి ముచ్చెమటలు పట్టించారు. దీంతో ఆయన సమాధానం చెప్పలేక ఆవేశం వద్దమ్మా... నెమ్మదిగా ప్రశ
ఏపీ మంత్రి, టీడీపీ జాతీయ ప్రధాన కార్యదర్శి నారా లోకేష్‌కు పలువురు విద్యార్థులు సినిమా చూపించారు. పలు ప్రశ్నలు సంధించి ముచ్చెమటలు పట్టించారు. దీంతో ఆయన సమాధానం చెప్పలేక ఆవేశం వద్దమ్మా... నెమ్మదిగా ప్రశ్న అడుగు అంటూనే సమాధానాలు చెప్పారు. లోకేష్ విదేశాల్లో ఉన్న సమయంలో విదేశీ అమ్మాయిలతో మద్యం సేవించిడం, ప్రత్యేక హోదా, కృష్ణపట్నం ఓడరేవుకు భూములు కోల్పోయి, ఉపాధి లేకపోవడం, ఇలా అన్ని అంశాలపై విద్యార్థులు ప్రశ్నలు సంధించారు.
అలాగే, ఓ విద్యార్థిని అడిగిన ప్రశ్నకు కూడా ఆయన అవాక్కయ్యారు. భువనేశ్వరి.. బ్రాహ్మణి వ్యాపారం చేసి సంపాదిస్తుంటే.. మీరు ఖర్చు పెడుతున్నారా? అని ఓ విద్యార్థిని లోకేష్‌ను ప్రశ్నించింది. దీనిపై స్పందిస్తూ తాను కూడా ఐదు సంవత్సరాలు హెరిటేజ్‌లో ఉన్నానని, బ్రహ్మిణి వచ్చాక ఆమెకు కంపెనీ పగ్గాలు అప్పజెప్పి తాను రాజకీయాల్లోకి వచ్చారని చెప్పారు. అయినా ఇదేమీ తమకు కొత్త కాదని 'తొలి నుంచి నాకు... మా నాన్నకు ఖర్చులకు మా అమ్మే డబ్బులు ఇస్తుంది' అని వివరణ ఇచ్చారు. ఇపుడు దీనికి సంబంధించిన వీడియో ఒకటి సోషల్ మీడియాలో వైరల్ అయింది.
