మీల్మేకర్ మంచూరియా తయారీ విధానం....
మీల్మేకర్లోని హై ప్రోటీన్స్ మహిళల, పిల్లల ఆరోగ్యానికి ఎంతో మంచిదని పరిశోధనలో వెళ్లడైంది. కొలెస్ట్రాల్ను అదుపులో ఉంచుటకు సహాయపడుతుంది. ఇందులో విటమిన్స్, ఒమెగా 3 ఫ్యాటీ యాసిడ్స్, క్యాల్షియం, ఐరన్ పుష
Publish Date: Mon, 11 Jun 2018 (11:19 IST)
Updated Date: Mon, 11 Jun 2018 (17:33 IST)
మీల్మేకర్లోని హై ప్రోటీన్స్ మహిళల, పిల్లల ఆరోగ్యానికి ఎంతో మంచిదని పరిశోధనలో వెళ్లడైంది. కొలెస్ట్రాల్ను అదుపులో ఉంచుటకు సహాయపడుతుంది. ఇందులో విటమిన్స్, ఒమెగా 3 ఫ్యాటీ యాసిడ్స్, క్యాల్షియం, ఐరన్ పుష్కలంగా ఉన్నాయి. అలాంటి మీల్మేకర్తో మంచూరియా తయారుచేస్తే ఎలా ఉంటుందో తెలుసుకుందాం.
కావలసిన పదార్థాలు:
మీల్మేకర్ - 200 గ్రాములు
కొత్తిమీర - 3 కట్టలు
సోయాసాస్ - 6 స్పూన్స్
ఉల్లికాడలు - 100 గ్రాములు
వెనిగర్ - 4 స్పూన్స్
అజినమెటో - 2 స్పూన్స్
కార్న్ఫ్లోర్ పౌడర్ - 2 స్పూన్స్
అల్లం వెల్లుల్లి - 100 గ్రాములు
పచ్చిమిర్చి - 10
నూనె - సరిపడా
ఉప్పు - సరిపడా
తయారీ విధానం:
ముందుగా ఒక గిన్నెలో మీల్మేకర్స్ను నీటిలో నానబెట్టి వాటిని 10 నిమిషాల పాటు స్టౌమీద ఉడికించాలి. ఆ తరువాత గిన్నెలోని నీటిని తొలగించి మీల్మేకర్స్ను దోరగా నూనెలో వేయించుకోవాలి. మరో బాణలిలో నూనెపోసి కాగాక అందులో పచ్చిమిర్చి సన్నని ముక్కలుగా తరుగుకుని వాటితో పాటు అల్లం, వెల్లుల్లి పేస్ట్ను కలుపుకోవాలి.
ఆ కలిపిన మిశ్రమాన్ని సన్నని మంటపై ఉంచి బాగా వేగాక రెండు గ్లాసుల నీరు పోసి సోయాసాస్, వెనిగర్, అజినమోటో, ఉప్పు వేసి కలుపుకోవాలి. కాసేపయ్యాక కార్న్ఫ్లోర్ను నీటితో కలిపి ఆ మిశ్రమంలో వేయాలి. నీరు ఇంకే వరకు గరిటెతో కలుపుతూ ఉండాలి. అలా నీరు ఇంకిన తరువాత సన్నగా తరిగిన ఉల్లికాడలు, కొత్తిమీర వేసి పొడిగా వేయించి మంచూరియా తయారు చేసుకోవాలి. అంతే మీల్మేకర్ మంచూరియా రెడీ.
About Writer
Kowsalya
దేవీ (మురళీకృష్ణ)
నిక్నేమ్- శక్తిమాన్
సినిమా రంగంలో దాదాపు 26 ఏళ్ల అనుభవం ఉంది. కళారంగంపై ఇంట్రెస్టుతో రిపోర్టర్గా కెరీర్ మొదలైంది. అలా చేస్తూనే విజయవాడలో రంగస్థలంపై నాటకాల్లో పాత్రలు పోషించారు. అలా ఆర్టిస్టుగా.. పలు సినిమాలు, సీరియల్స్లో సైతం నటించారు. స్క్రిప్ట్ వర్క్లో కూడా కొద్దికాలం చేశారు. అలా ప్రజాశక్తి దినపత్రికలో సినిమా పేజీ న్యూస్ రిపోర్టర్గా తనతోనే ఆరంభం అయింది. అలా చేస్తుండగానే మెగాస్టార్ చిరంజీవి గారితో ఇంటర్వ్యూ చేశాక......
Read More