చిన్ననాటి స్నేహితురాలితో నితీశ్ రానా నిశ్చితార్థం..
ఇండియన్ ప్రీమియర్ లీగ్‌లో కోల్‌కతా టీమ్‌లో ఆడిన యంగ్ క్రికెటర్ నితీశ్ రానా ఓ ఇంటివాడు కాబోతున్నాడు. ఆల్‌రౌండర్‌గా ఆకట్టుకున్న రానాకు ఆదివారం ఢిల్లీలో తన చిన్ననాటి స్నేహితురాలు సాచి మర్వాతో నిశ్చితార్థ
ఇండియన్ ప్రీమియర్ లీగ్‌లో కోల్‌కతా టీమ్‌లో ఆడిన యంగ్ క్రికెటర్ నితీశ్ రానా ఓ ఇంటివాడు కాబోతున్నాడు. ఆల్‌రౌండర్‌గా ఆకట్టుకున్న రానాకు ఆదివారం ఢిల్లీలో తన చిన్ననాటి స్నేహితురాలు సాచి మర్వాతో నిశ్చితార్థం జరిగింది. అతి తక్కువమంది సన్నిహితులు, స్నేహితుల మధ్య ఇరు కుటుంబాలకు చెందిన వారు ఈ వేడుకకు హాజరయ్యారు.
ఈ సందర్భంగా కోల్‌ కతా నైట్‌ రైటర్స్‌ తన అఫీషియల్ ట్విటర్ అకౌంట్ ద్వారా కొత్త జంట ఫొటోను షేర్ చేస్తూ విషెస్ తెలిపింది. ఇటీవల మరో యంగ్ క్రికెటర్ సందీప్ శర్మ కూడా వివాహం చేసుకుంటున్నట్లు ప్రకటించిన సంగతి తెలిసిందే.
కాగా రానాను కేకేఆర్ జట్టు రూ.3.4 కోట్లు వెచ్చించి వేలంలో కొనుగోలు చేసిన సంగతి తెలిసిందే. ఇక ఈ 24 ఏళ్ల ఎడమచేతి వాటం బ్యాట్స్‌మెన్.. ఈ ఏడాది ఐపీఎల్ సీజన్‌లో 15 ఇన్నింగ్స్ ఆడి 304 పరుగులు సాధించాడు. ఇక రంజీ ట్రోఫీల్లో 613 పరుగులు, సయ్యద్ ముస్తక్ అలీ ట్రోఫీలో 140 పరుగులను తన ఖాతాలో వేసుకున్నాడు.
