టీలో కల్తీని ఎలా గుర్తించాలి?

టీ అనేది కేవలం ఒక అలవాటు కంటే ఎక్కువ; అది సౌకర్యం, సంప్రదాయంలో లోతుగా మిలితమైపోయిన ఒక ఆచారం. అయినప్పటికీ, దాని సుపరిచితమైన సువాసన, రుచి వెనుక ఒక ఆందోళనకరమైన విషయం దాగి ఉంది: అదే టీ ఆకులు లేదంటే ప్యాకెట్లు కాకుండా వదులుగా వుండే టీ పొడిలో కల్తీ. ఆహార భద్రతపై అవగాహన పెరగడంతో వినియోగదారులు అసలైన టీని ఎలా గుర్తించాలో, నాణ్యత, ఆరోగ్యం రెండింటికీ హాని కలిగించే ఉత్పత్తులను ఎలా నివారించాలో తెలుసుకోవడానికి ఎక్కువగా ప్రయత్నిస్తున్నారు.

టీలో కల్తీని అర్థం చేసుకోవడం

టీ బోర్డ్ ఆఫ్ ఇండియా జారీ చేసిన సూచనల ప్రకారం, టీ ఆకుల రూపాన్ని, రుచిని లేదా బరువును మెరుగుపరచడానికి ఆమోదయోగ్యం కాని పదార్థాలను కలపడాన్ని కల్తీ అంటారు. నాణ్యత తక్కువగా ఉన్న లేదా పాడైపోయిన టీ ఆకులను మరింత ఆకర్షణీయంగా కనిపించేలా చేయడానికి ఉపయోగించే సింథటిక్ రంగులు లేదా ఇతర పదార్థాలు సైతం ఇందులో ఉండవచ్చు. టీలో బిస్మార్క్ బ్రౌన్, పొటాషియం బ్లూ, పసుపు, ఇండిగో, ప్లంబాగో వంటి రంగు కారకాల వాడకంపై కనిపిస్తోన్న ఆందోళనలను టీ బోర్డ్ ప్రముఖంగా ప్రస్తావించింది. ఆహార భద్రతా నిబంధనల ప్రకారం ఇటువంటి జోడింపులకు అనుమతి లేదు. ఇవి ఆరోగ్యానికి హాని కలిగించే ప్రమాదం ఉంది. ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా(ఎఫ్ఎస్ఎస్ఏఐ) రెగ్యులేషన్ 2.10.1 వెల్లడించే దాని ప్రకారం, టీ ఉత్పత్తులు అదనపు పదార్థాలు, కలిపిన రంగు పదార్ధాలు మరియు హానికరమైన పదార్థాలు లేకుండా ఉండాలి.

టీకి రంగులు ఎందుకు కలుపుతారు

టీ బోర్డ్ ఆఫ్ ఇండియా వెల్లడించే దాని ప్రకారం, ప్రాసెసింగ్ సమయంలో దెబ్బతిన్న టీ ఆకులకు వాటి దృశ్య ఆకర్షణను మెరుగుపరచడానికి, వాటిని మార్కెట్ చేయదగినవిగా చేయడానికి కొన్నిసార్లు రంగులను కలుపుతారు. అయితే, ఈ జోడింపులు టీ యొక్క నాణ్యతను లేదా పోషక విలువను మెరుగుపరచవు. వినియోగదారుల ఆరోగ్యం దృష్ట్యా, టీలో రంగుల కల్తీని కఠినంగా నిషేధించినప్పటికీ, ఇది ఇప్పటికీ ఆందోళన కలిగించే అంశంగానే కొనసాగుతోందని టీ బోర్డు పేర్కొంది.

చల్లటి నీటి పరీక్ష ద్వారా కల్తీ టీని గుర్తించడం

ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా, టీ బోర్డ్ ఆఫ్ ఇండియా, టీలో సాధ్యమయ్యే కల్తీని గుర్తించడానికి ఇంట్లోనే సులభమైన పద్ధతులను పాటించమని వినియోగదారులను ప్రోత్సహించాయి. సాధారణంగా సిఫార్సు చేయబడిన ఒక పద్ధతి ఫిల్టర్ పేపర్ లేదా చల్లటి నీటి పరీక్ష. దీనిలో, రంగు విడుదల కావడాన్ని గమనించడానికి టీ ఆకులను తడి ఫిల్టర్ పేపర్‌పై ఉంచడం లేదా చల్లటి నీటిలో వేయడం జరుగుతుంది. నిజమైన తేయాకు సాధారణంగా రంగును క్రమంగా విడుదల చేస్తుంది, అయితే రంగు కలిపిన తేయాకు తక్షణమే రంగు విడుదల చేయడం చేస్తుంది లేదా ముదురు మరకలు ఏర్పడటం కనిపిస్తే  కృత్రిమ రంగులు ఉన్నాయని లేదా వాడిపోయిన తేయాకు ఆకులు ఉన్నాయని అర్ధం చేసుకోవచ్చు. 

ప్యాకెట్లలో కాకుండా విడిగా విక్రయించే తేయాకులో కల్తీ సంకేతాలను గుర్తించడానికి, వినియోగదారులు అప్రమత్తంగా ఉండాలని, ఇంట్లోనే ఇటువంటి సులభమైన పద్ధతులను ఉపయోగించాలని టీ బోర్డ్ కోరుతుంది. అసలైన తేయాకు సాధారణంగా సహజమైన, మట్టి రంగును, స్థిరమైన ఆకృతిని కలిగి ఉంటుంది. అలాగే అధిక దుమ్ము లేదా ఇతర రేణువులు లేకుండా ఉంటుంది.

ప్యాక్ చేయబడకుండా విడిగా విక్రయించే టీ vs. ప్యాక్ చేసిన టీ

ధృవీకరించని మార్గాల ద్వారా విక్రయించబడే విడి టీ లో కల్తీ గురించి టీ బోర్డ్ ఆఫ్ ఇండియా పదేపదే ఆందోళన వ్యక్తం చేసింది, ఎందుకంటే అక్కడ నాణ్యత తనిఖీలు మరియు జాడను గుర్తించడం పరిమితంగా ఉండవచ్చు. దీనికి విరుద్ధంగా, ప్రసిద్ధ బ్రాండ్‌ల నుండి వచ్చే ప్యాక్ చేసిన టీ సాధారణంగా కఠినమైన నాణ్యత నియంత్రణ ప్రక్రియలు, ప్రామాణిక ప్యాకేజింగ్, నియంత్రణ సమ్మతి చర్యలకు లోబడి ఉంటుంది, ఇది వినియోగదారులకు ప్రామాణికత, భద్రతపై ఎక్కువ విశ్వాసాన్ని అందిస్తుంది.

మూలాన్ని పరిశోధించడం

ఆహార భద్రతా నిపుణులు, నియంత్రణ అధికారులు విశ్వసనీయమైన, నమ్మదగిన మూలాల నుండి టీను కొనుగోలు చేయాలని సిఫార్సు చేస్తున్నారు. వినియోగదారులు ముడి పదార్థాల సేకరణ, నాణ్యత పద్ధతుల విషయంలో పారదర్శకంగా ఉండే బ్రాండ్‌ల కోసం చూడాలి. వీలైనప్పుడల్లా సర్టిఫికేషన్‌లు, ప్యాకేజింగ్ వివరాలు, సమీక్షల ద్వారా వాటి ప్రామాణికతను ధృవీకరించుకోవాలి.

సమాచారంతో కూడిన ఎంపికలు చేసుకోవడం

కల్తీ ప్రమాదాలను అర్థం చేసుకోవడం, అసలైన టీని గుర్తించడం గురించి తెలుసుకోవడం ద్వారా వినియోగదారులు మరింత సమాచారంతో కూడిన కొనుగోలు నిర్ణయాలు తీసుకోవడానికి సహాయపడుతుంది. ఆహార భద్రతపై అవగాహన పెరుగుతున్నందున, విశ్వసనీయమైన ఉత్పత్తులను ఎంచుకోవడం, సులభమైన గుర్తింపు పద్ధతులను పాటించడం ద్వారా ప్రతి కప్పు టీ సురక్షితంగా, ప్రామాణికంగా, ఆనందదాయకంగా ఉండేలా చూసుకోవచ్చు.