ప్రముఖ స్మార్ట్ ఫోన్ల తయారీ కంపెనీ రియల్మీ తాజాగా మరో కొత్త మోడల్‌ను లాంఛ్ చేసింది. ఈ మోడల్ పేరు రియల్మీ నార్జో10. ఈ ఫోనును ప్రముఖ ఈ-కామర్స్ దిగ్గజం ఫ్లిప్‌కార్ట్‌లో విక్రయానికి ఉంచారు. ఈ ఫోనును విక్రయానికి ఉంచిన కేవలం 128 సెకన్లలో ఏకంగా 70 వేల యూనిట్ల ఫోన్లు అమ్ముడుపోయాయి. ఈ ఫోను ఫ్లిప్‌కార్ట్‌లో ధర రూ.11999 వేలు.
నిజానికి ఈ ఫోను మన దేశంలో ఈ నెల 22వ తేదీ నుంచి ప్రారంభంకానున్నాయి. అపుడు నార్జో 10ఏ ఫోను ధర రూ.8499 మాత్రమే. కానీ, స్మార్ట్ ఫోను వినియోగదారులు మాత్రం ఫ్లిప్‌కార్టులో పోటీపడిమరీ నార్జో 10 రకం ఫోనును ఆర్డర్ చేశారు.
దీనిపై రియల్మీ ఇండియా సీఈవో మాధవ్ సేత్ స్పందిస్తూ, 'ప్రపంచంలో అత్యంత వేగంగా అభివృద్ధి చెందుతున్న స్మార్ట్ఫోన్ బ్రాండ్‌కు వేగం ఎంతో విలువైనది. #RealmeNarzo10 ఫోన్‌ను ఎంచుకున్న వాళ్లందరికీ ధన్యవాదాలు' అంటూ ట్వీట్ చేశారు.
రియల్మీ నార్జో 10ఏ(ధర రూ.8,499) ఫోన్ విక్రయాలు మే 22 నుంచి ప్రారంభంకానున్నాయి. లాక్డౌన్‌ కారణంగా గత రెండు నెలలుగా స్మార్ట్ఫోన్ విక్రయాలు స్తంభించిపోవడంతో వినియోగదారులు నూతన స్మార్ట్‌ఫోన్లు కొనుగోలు చేయడానికి ఆసక్తి కనబరుస్తున్నారు.
