షూటింగ్ స్పాట్ నుంచి హీరోయిన్ జంప్...
ఓ షూటింగ్ స్పాట్ నుంచి హీరోయిన్ అదృశ్యమైంది. తమిళనాడులోని కొడైక్కెనాల్ నుంచి కనిపించకుండా పోయిన ఆ హీరోయిన్ చివరకు ఢిల్లీలో తేలింది. ఇంతకు ఆ హీరోయిన్ అలా మిస్ కావడానికి గల కారణాలను పరిశీలిస్తే...
Publish Date: Sat, 01 Sep 2018 (13:25 IST)
Updated Date: Sat, 01 Sep 2018 (13:26 IST)
ఓ షూటింగ్ స్పాట్ నుంచి హీరోయిన్ అదృశ్యమైంది. తమిళనాడులోని కొడైక్కెనాల్ నుంచి కనిపించకుండా పోయిన ఆ హీరోయిన్ చివరకు ఢిల్లీలో తేలింది. ఇంతకు ఆ హీరోయిన్ అలా మిస్ కావడానికి గల కారణాలను పరిశీలిస్తే...
తమిళ చిత్రం 'అవళుక్కెన్న అళగియ ముగం' (ఆమెకు ఏం అందమైన ముఖం) అనే చిత్రంలో హీరోయిన్గా అనుపమా ప్రకాష్ నటిస్తోంది. ఈ చిత్రం షూటింగ్ ఎత్తైన కొండ ప్రాంతమైన కొడైక్కెనాల్లో జరుగుతోంది. ఈ స్పాట్ నుంచి ఆమె ఒక్కసారిగా కనిపించకుండా పోయింది.
దీనిపై ఆరా తీయగా కొండ ప్రాంతంలో ఎత్తైన ప్రాంతంలో తన చేత నృత్యం చేయించడంతో భయాందోళనకు గురయ్యారు. అనూహ్యంగా షూటింగ్ నుంచి ఎవరికి చెప్పకుండా తన గదికి వెళ్లిపోయిన ఈమె.. తర్వాత చిత్ర బృందానికి తెలియకుండా మదురై వెళ్లిపోయింది. అక్కడి నుంచి విమానంలో ఢిల్లీకి వెళ్లింది.
ఈ విషయం తెలియని చిత్ర బృందం ఆమె కోసం అనేక చోట్ల గాలించింది. చివరకు ఆమె ఢిల్లీ వెళ్లారన్న విషయం తెలిసి దిగ్భ్రాంతికి గురైంది. తర్వాత నిర్మాత ఢిల్లీ వెళ్లి ఆమెను బుజ్జగించడంతో పాటు తిరిగి షూటింగ్లో పాల్గొనడానికి చెన్నైకి తీసుకొచ్చారు. దీంతో చిత్ర బృందం ఊపిరి పీల్చుకుంది.
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్గా విధులు నిర్వహిస్తున్నారు.....
Read More