బిగ్ బాస్ 3 తెలుగు సరికొత్త టాస్క్‌లతో దూసుకుపోతోంది. ఈ వారం బిగ్ బాస్ ఇంటిసభ్యులకు నామినేషన్ టాస్క్ ఇవ్వడంతో పాటు కొన్ని షరతులు విధించాడు. ఇందులో భాగంగా కెప్టెన్‌ శ్రీముఖి తప్ప మిగతావారంతా ఇంట్లోకి వెళ్లకుండా గార్డెన్‌ ఏరియాలోనే ఉండాల్సి ఉంటుంది. ఈ వారం నామినేషన్‌లో భాగంగా రాళ్లే రత్నాలు అనే టాస్క్ ఇచ్చారు బిగ్ బాస్.
వర్షం రూపంలో వచ్చిన విలువైన రాళ్లను సేకరించి తమ ఖాతాలో జమచేసుకోవాల్సి ఉంటుంది. దీనిలో భాగంగా రాళ్లను సేకరించేందుకు బిగ్ బాస్ హౌజ్ మేట్స్ పోటీపడ్డారు. అయితే తాజాగా ఓ ప్రోమో నెట్టింట వైరల్ అవుతోంది. మంగళవారం జరిగే ఎపిసోడ్‌కి సంబంధించిన ఈ ప్రోమోలో వరుణ్, వితికలు గొడవపడ్డారు. నిన్నటి ఎపిసోడ్‌లో తక్కువ విలువైన రాళ్లను సేకరించిన రాహుల్ ఈ వారం ఎలిమినేషన్‌లోకి వచ్చాడు. ఈ ఈరోజు ఎపిసోడ్‌లో మరికొంత మంది నామినేషన్ జోన్‌లోకి రాబోతున్నారు.
ఇక సోషల్ మీడియాలో విడుదలైన ప్రోమోలో వరుణ్, వితికాకి క్లాస్ తీసుకున్నట్లు తెలుస్తోంది. రాళ్లను తీసుకునే ప్రయత్నంలో వితికా, బాబా భాస్కర్‌పై ఫైర్ అవుతోంది. రాళ్లను తీసుకెళ్తూ బాబా పొరపాటున వితికాను తోయడంతో.. తను వచ్చి వరుణ్‌పై పడింది. దీంతో వరుణ్ మూతికి దెబ్బతగిలింది.
చూసుకుని ఆడొచ్చు కదా.. ఎందుకు మీద పడుతున్నారు.. అని అరిచింది. హలో ఎందుకు అరుస్తున్నావ్.. ఆడితే ఆడు లేకపోతే పక్కకు జరుగు. గేమ్ అన్న తరువాత నీ మీద పడతారు. నా మీద కూడా పడ్డారు నేను నీలా అరిచానా..? ఎందుకు ప్రతి దానికి పెద్ద వింత చేస్తావు అంటూ మండిపడ్డాడు. దీంతో వితికా చెవులు మూసుకున్నట్లు ప్రోమోలో కనిపిస్తోంది ఈ ప్రోమో ప్రస్తుతం నెట్టింట వైరల్ అవుతోంది.
