నీవు త్వరగా కోలుకోవాలి డియర్.. సోనాలీ బింద్రేకు నాగ్ ట్వీట్
కేన్సర్ బారినపడి న్యూయార్క్‌లో చికిత్స పొందుతున్న బాలీవుడ్ నటి సోనాలీ బింద్రే త్వరగా కోలుకోవాలని ఆకాంక్షిస్తూ టాలీవుడ్ మన్మథుడు నాగార్జున ఓ ట్వీట్ చేశారు. "క్యాన్సర్‌ను జయించాలన్న నీ గొప్ప సంకల్పానికి
కేన్సర్ బారినపడి న్యూయార్క్‌లో చికిత్స పొందుతున్న బాలీవుడ్ నటి సోనాలీ బింద్రే త్వరగా కోలుకోవాలని ఆకాంక్షిస్తూ టాలీవుడ్ మన్మథుడు నాగార్జున ఓ ట్వీట్ చేశారు. "క్యాన్సర్‌ను జయించాలన్న నీ గొప్ప సంకల్పానికి బలం చేకూరి నువ్వు త్వరగా కోలుకోవాలి డియర్" అంటూ అక్కినేని నాగార్జున ట్వీట్ చేయగా, దీనికి సోనాలీ బింద్రే కూడా 'నాగ్ థ్యాంక్యూ' అంటూ రిప్లై ఇచ్చింది. అంతేకాకుండా, తను కోలుకోవాలని ఆకాంక్షిస్తూ ట్వీట్ చేసిన ప్రతి ఒక్కరి ట్వీట్‌కీ రిప్లై ఇచ్చారు.
మనీషా కొయిరాలకు: 'థ్యాంక్యూ మనీషా.. నువ్వే నాకు ప్రేరణ' అని ట్వీట్ చేసింది.
ఫరాఖాన్‌కి: 'నీ టేస్టీ వంటను మిస్ అవుతున్నాను ఫరాఖాన్. ఆ వంటను రుచిచూడటానికైనా నేను త్వరగా ముంబై వచ్చేస్తాను'.
అనిల్ కపూర్‌కి: 'థాంక్యూ అనిల్ కపూర్.. నేను మన అందమైన స్ట్రీట్‌ని మిస్ అవుతున్నా. త్వరలో చూస్తానని ఆశిస్తున్నా'.
అలాగే శృతిహాసన్‌కి, ఖుష్బూకి, నేహా ధూపియా, సోనూసూద్ తదితరులకు ధన్యవాదాలు తెలుపుతూ ట్వీట్ చేసింది.
