పూరీకి వార్నింగ్ ఇచ్చా.. అతనితో సినిమా చేయొద్దన్నారు: బాలకృష్ణ (video)
బాహుబలి భల్లాలదేవుడు ''యారీ విత్ రానా'' అనే షోకు వ్యాఖ్యాతగా వ్యవహరిస్తున్న సంగతి తెలిసిందే. ఈ షో.. ఎన్టీఆర్ బిగ్ బాస్ కంటే ఎక్కువగా రేటింగ్‌లో దూసుకెళ్తోంది. ఈ షోకు నందమూరి హీరో బాలకృష్ణ ఇటీవల పైసావస
బాహుబలి భల్లాలదేవుడు ''యారీ విత్ రానా'' అనే షోకు వ్యాఖ్యాతగా వ్యవహరిస్తున్న సంగతి తెలిసిందే. ఈ షో.. ఎన్టీఆర్ బిగ్ బాస్ కంటే ఎక్కువగా రేటింగ్‌లో దూసుకెళ్తోంది. ఈ షోకు నందమూరి హీరో బాలకృష్ణ ఇటీవల పైసావసూల్ దర్శకుడు పూరీ జగన్నాథ్‌తో కలిసి పాల్గొన్నాడు. బాలకృష్ణ తాను స్టార్ హీరోననే విషయాన్ని పూర్తిగా పక్కన పెట్టేసి ఈ వేదికపై సందడి చేశారు.
పైసా వసూల్ సెట్లో తనను అందరూ సార్ అని పిలిచేవారని.. పూరీ జగన్నాథ్ కూడా అలాగే పిలిచేవారని.. అయితే అలా పిలవొద్దని తాను వార్నింగ్ ఇచ్చినట్లు బాలయ్య తెలిపారు. పూరీ జగన్నాథ్‌తో ఈ సినిమా చేయొద్దని తనకు చాలామంది చెప్పారని.. ఆ మాటలేవీ పట్టించుకోకుండా తాను సినిమా చేశానన్నారు. బాలయ్య కోపిష్టి అని తనకి కూడా చాలామంది చెప్పారనీ, కానీ దగ్గరగా చూసిన తరువాత ఆయనేంటో తనకి తెలిసిందని పూరీ చెప్పుకొచ్చారు.
మరోవైపు.. రానా మాట్లాడుతూ.. బాలయ్య నటించిన కథానాయకుడు సినిమా రిలీజైన రోజు తాను పుట్టానని.. అందుకే బాలయ్యకు తనకు లింకుందన్నారు. బాలయ్య చిత్రాలను చూస్తూ తాను ఎదిగానన్నారు. కాగా బాలయ్య, పూరీలతో సాగిన యారీ విత్ రానా ఎపిసోడ్‌ను వీడియో ద్వారా చూడండి.
