బాలీవుడ్ అందాల సుందరి కంగనా రనౌత్.. వివాదాలను వెనకేసుకుని ముందుకు నడుస్తుంది. ఎంపిక చేసుకున్న పాత్ర కోసం కసరత్తులు చేస్తుంది. ఇటీవల ఈమె నటించిన ఝాన్సీ బయోపిక్ ఆశించిన స్థాయిలో ప్రేక్షకుల మన్ననలు సంపాదించుకుంది. తాజాగా కంగనా రనౌత్.. తమిళనాడు మాజీ సీఎం, దివంగత నేత, ఐరన్ లేడీ జయలలిత బయోపిక్‌లో నటిస్తోంది.
ఇందులో జయలలిత పాత్రను కంగనా పోషిస్తోంది. ఇందులో కంగనా ఎలా కనిపిస్తారమే దానిపై చాలా ఆసక్తి నెలకొంది. బ్లేడ్ రన్నర్, క్యాప్షన్ మార్వెల్ వంటి చిత్రాలకు పనిచేసిన ప్రముఖ హాలీవుడ్ కళాకారుడు జాసన్ కాలిన్స్ ''తలైవి''లో కంగనా లుక్ కోసం పనిచేస్తున్నట్లు చిత్ర నిర్మాత విష్ణు తెలిపారు. ఈ నేపథ్యంలో కొన్ని రోజుల క్రితం కంగనా రనౌత్ లాస్ ఏంజెల్స్‌కు వెళ్లారు.
ఈ సందర్భంగా అక్కడ తలైవి కోసం కంగనా లుక్ కసరత్తులకు సంబంధించిన కొన్ని ఫోటోలు బయటకు వచ్చాయి. కంగనా సోదరి రంగోలి తన సోషల్ మీడియాలో ఈ ఫోటోలను షేర్ చేసింది.
ఈ ఫోటోలో జయలుక్ కోసం జిగురుతో కప్పబడి వున్న ముఖాన్ని ఇందులో చూడవచ్చు. కంగనా రనౌత్ ప్రోస్తేటిక్స్ గ్లూతో చర్మాన్ని కవర్ చేసుకుందని.. కొన్ని పరీక్షల కోసం ఇవన్నీ చేయాలని రంగోలీ చెప్పింది. నటన అంత సులభం కాదని చెప్పుకొచ్చింది.
మరికొన్ని ఫోటోలలో కంగనా ఐరన్ లేడీ జయలలిత షూస్ లోకి అడుగు పెట్టడానికి సిద్ధంగా ఉన్నట్లు కనిపిస్తోంది. చిత్రాలలో, ఆమె ప్రోస్తేటిక్స్ కోసం విస్తృతమైన కొలతలు చేయడాన్ని చూడవచ్చు. ఇది తలైవి కోసం కంగనా భరతనాట్యం, తమిళం నేర్చుకోవడంతో పాటు ఉంటుంది. ఈ చిత్రం మైసూర్ సమీపంలో దీపావళి అంతస్తుల పోస్ట్ అవుతుంది.
సన్నాహాలను చూసుకుంటే, ఈ చిత్రం నుండి కంగనా ఫస్ట్ లుక్ చూసేందుకు అభిమానులు ఎప్పుడెప్పుడా అని ఆత్రుతతో ఎదురుచూస్తున్నారు. 'తలైవి'ని విష్ణు వర్ధన్ ఇందూరి, శైలేష్ ఆర్ సింగ్ నిర్మించనున్నారు. ఇది తమిళనాడు మాజీ ముఖ్యమంత్రి జె జయలలిత జీవితం ఆధారంగా రూపుదిద్దుకునే ప్రతిష్టాత్మక చిత్రమని రంగోలీ చెప్పుకొచ్చింది.
