శ్రీ విష్ణు, ప్రతిష్టాత్మక నిర్మాణ సంస్థ గీతా ఆర్ట్స్ సమ్మర్ బ్లాక్ బస్టర్ #సింగిల్. కేతిక శర్మ, ఇవానా కథానాయికలుగా నటించారు, వెన్నెల కిషోర్ కీలక పాత్ర పోషించారు. ఈ చిత్రానికి కార్తీక్ రాజు దర్శకత్వం వహించారు. గీతా ఆర్ట్స్ మెగా ప్రొడ్యూసర్ అల్లు అరవింద్ సమర్పణలో కళ్యా ఫిల్మ్స్‌తో కలిసి చిత్రాన్ని విద్యా కొప్పినీడి, భాను ప్రతాప, రియాజ్ చౌదరి నిర్మించారు. మే 9న థియేటర్లలోకి వచ్చిన ఈ సినిమా అందరినీ అలరించి సమ్మర్ బ్లాక్ బస్టర్ విజయాన్ని అందుకొని సక్సెస్ ఫుల్ గా రన్ అవుతోంది. ఈ సందర్భంగా మేకర్స్ ప్రెస్ మీట్ నిర్వహించారు.
నిర్మాత అల్లు అరవింద్ మాట్లాడుతూ.. భారత్ మాతాకీ జై. మేము ఒక మిక్స్డ్ ఫీలింగ్ తో ఇక్కడికి వచ్చాం. సినిమా రిలీజ్ సందర్భంగా ఉత్సాహంగా రావాలని అనుకున్నాం. కానీ మన సైనికులు మన దేశం కోసం పోరాడుతుంటే.. సినిమా విషయంలో మేం సెలబ్రేషన్స్‌ చేసుకోవడం సరికాదు అనిపించింది. సినిమాని ఆదరించిన ప్రేక్షకులకు కృతజ్ఞతలు తెలిపేందుకే ఈ ప్రెస్‌మీట్‌ పెట్టాం. మన దేశం కోసం పోరాడుతున్న సైనికులకి ఇక్కడ నుంచి సపోర్టే కాకుండా ఈ సినిమా నుంచి వచ్చే కలెక్షన్స్ లో కొంత భాగం మన కోసం పోరాడే సైనికులకి రక్షకులకు అందజేయనున్నాం. ఈ ఉద్రిక్త పరిస్థితులకు ముందు మేం ఈ మూవీ రిలీజ్ డేట్ ప్రకటించాం. వాయిదా వేయడం మంచిదా, కాదా అన్న దానిపై చర్చించాం. సినిమా కోసం వందల మంది పనిచేయడమే కాదు థియేటర్లపై వందల కుటుంబాలు ఆధారపడి ఉంటాయి. అందుకే ఎవరూ తప్పుగా అర్థంచేసుకోరనే ధైర్యంతో సినిమాని విడుదల చేశాం. సినిమా విషయానికి వస్తే మొదటి నుంచి ఒక ఆహ్లాదకరమైన సినిమాని ఇవ్వాలని ప్రయత్నించాం. థియేటర్లో రియాక్షన్ చూసిన తర్వాత మేము అనుకున్న దాని కంటే అద్భుతంగా ప్రేక్షకులు ఆస్వాదిస్తున్నారు. సినిమాని ఇంత గొప్పగా ఆదరిస్తున్న ప్రేక్షకులు అందరికీ మా కృతజ్ఞతలు. శ్రీ విష్ణు, వెన్నెల కిషోర్ అద్భుతంగా అలరించారు. శ్రీ విష్ణు తన అన్ని సినిమాలు కంటే ఒక మెట్టు ఎదిగి సిక్సర్ కొట్టాడు. వెన్నెల కిషోర్ గారు ఫుల్ కిక్ ఇచ్చారు. భాను నందు చాలా చక్కని డైలాగ్స్ రాశారు. డైరెక్టర్ గారు చాలా ఎంటర్టైనింగ్ గా సినిమా తీశారు. ఇద్దరు హీరోయిన్స్ కూడా చాలా చక్కగా పెర్ఫార్మెన్స్ ఇచ్చారు. గీత ఆర్ట్స్ నుంచి గత ఆరు నెలల్లో మూడు సినిమాలు వచ్చాయి. ఈ మూడు సినిమాలు కూడా అద్భుతమైన విజయాలు సాధించాయి. మాకు హ్యాట్రిక్ సక్సెస్ ఇచ్చిన ప్రేక్షకులకు, మీడియాకి, అందరికీ పేరుపేరునా ధన్యవాదాలు'అన్నారు
హీరో శ్రీ విష్ణు మాట్లాడుతూ.. అందరికీ నమస్కారం. అరవింద్ గారు చెప్పినట్టు ఇలాంటి ఒక పరిస్థితి వస్తుందని మేము ఎక్స్పెక్ట్ చేయలేదు. రిలీజ్ చేయాలని ఫిక్స్ అయ్యాం కాబట్టి చేసాం. మార్నింగ్ నుంచి ప్రతి ఏరియా నుంచి చాలా అద్భుతమైన కాల్స్ వస్తున్నాయి. థియేటర్లో పగలబడి నవ్వుతున్నామని ఆడియన్స్ చెప్పడం చాలా ఆనందాన్ని ఇచ్చింది. అందర్నీ నవ్వించాలనే ఉద్దేశంతోనే ఈ సినిమా తీయడం జరిగింది. ఫ్యామిలీతో కలిసి థియేటర్ కి రండి. మిమ్మల్ని నవ్వించే బాధ్యత నాది. 100% మీరు సాటిస్ఫై అవుతారు. ఈ సినిమాలో పనిచేసిన అందరికీ పేరుపేరునా ధన్యవాదాలు, గీతా ఆర్ట్స్ టీం అంతా చాలా సపోర్ట్ చేసింది. ఇవానా కేతిక చాలా చక్కగా పెర్ఫామ్ చేశారు. భాను నందు మా కాంబినేషన్ మళ్ళీ వర్కౌట్ అయింది. మేము ఊహించిందని కంటే అద్భుతమైన రెస్పాన్స్ వస్తోంది. ప్రతి ఒక్కరూ థియేటర్స్ కి వచ్చి సినిమా చూసి మీ అమూల్యమైన రెండు గంటలు మాకు ఇస్తారని కోరుకుంటున్నాను. థాంక్యూ'అన్నారు
వెన్నెల కిషోర్ మాట్లాడుతూ.. ఇంత మంచి రెస్పాన్స్ ఇచ్చిన ఆడియన్స్ కి థాంక్యూ సో మచ్. నేను హీరోగా నటించిన ఫస్ట్ సినిమా( నవ్వుతూ). థియేటర్లో చూసినప్పుడు చాలా మంచి రెస్పాన్స్ ఉంది. ప్రతి డైలాగ్ కి మంచి రెస్పాన్స్ వచ్చింది. ఈ క్రెడిట్ భాను నందుకి దక్కుతుంది. గీత ఆర్ట్స్ కి థాంక్యూ. శ్రీ విష్ణు గారి అంటే నాకు చాలా ఇష్టం. ఆయన ఇచ్చిన ఫ్రీడంతోనే క్యారెక్టర్ ఇంత అద్భుతంగా వచ్చింది. ఇవానా కేతిక చాలా చక్కగా పెర్ఫార్మ్ చేశారు. ఇంత మంచి క్యారెక్టర్ ఇచ్చిన డైరెక్టర్ గారికి థాంక్యూ. అందరికీ థాంక్యు సో మచ్'అన్నారు
డైరెక్టర్ కార్తీక్ రాజు మాట్లాడుతూ.. సినిమాకి వచ్చిన బ్లాక్ బస్టర్ రెస్పాన్స్ కి థాంక్యూ. ఈ అవకాశం ఇచ్చిన అరవింద్ గారికి మా నిర్మాతలకి థాంక్యూ. శ్రీ విష్ణు గారు గత మూడేళ్లుగా చాలా అద్భుతమైన సపోర్ట్ చేశారు. వెన్నెల కిషోర్ గారికి, కేతిక ఇవానా భాను నందు అందరికీ థాంక్యూ. ఇంత మంచి రెస్పాన్స్ ఇచ్చిన ఆడియన్స్ కి థాంక్యూ.
కేతిక శర్మ మాట్లాడుతూ.. ఈ అవకాశం ఇచ్చిన అల్లు అరవింద్ గారికి థాంక్యూ. గీత ఆర్ట్స్ లో పనిచేయాలని డ్రీమ్ ఈ సినిమాతో నెరవేరింది. నా కెరీర్లో ఇది హ్యుజ్ హిట్. విష్ణు గారితో వర్క్ చేయడం వండర్ఫుల్ ఎక్స్పీరియన్స్. డైరెక్టర్ కార్తీక్ రాజు గారికి థాంక్యూ. ఇవానా పాటు ఈ సినిమా లో పనిచేసిన అందరికీ థాంక్యూ సో మచ్.
ఇవానా మాట్లాడుతూ.. ఇది నా ఫస్ట్ తెలుగు మూవీ. గీత ఆర్ట్స్ లో తెలుగులోకి ఎంట్రీ ఇవ్వడం చాలా ఆనందంగా ఉంది. సినిమాకి చాలా మంచి రెస్పాన్స్ వస్తుంది. హరిణి పాత్రని ఆడియన్స్ చాలా ఇష్టపడుతున్నారు. ఇలాంటి మంచి క్యారెక్టర్ ఇచ్చిన డైరెక్టర్ గారికి థాంక్యూ. సినిమాకి ఇంత మంచి రెస్పాన్స్ ఇచ్చిన ఆడియన్స్ కి థాంక్యూ.
నిర్మాత విద్య మాట్లాడుతూ.. థాంక్యూ మీడియా ఫర్ ఆల్ యువర్ సపోర్ట్. సినిమాకి చాలా మంచి రెస్పాన్స్ వస్తోంది. త్వరలో సక్సెస్ మీట్ లో మళ్ళీ కలుద్దాం'అన్నారు
