ఫేస్‌బుక్ మాతృ సంస్థ అయిన మెటా ప్రస్తుతం గూగుల్, మైక్రోసాఫ్ట్ బింగ్ వంటి వాటికి పోటీగా ఏఐ-ఆధారిత సెర్చ్ ఇంజన్‌ను రూపొందించాలని నిర్ణయించుకుంది.

దీంతో గూగుల్‌కు ఇబ్బందులు తెచ్చి పెట్టే అవకాశం వుంది. ఫలితంగా గూగుల్ సెర్చింజన్‌పై వినియోగదారుల ఆధారపడటాన్ని తగ్గించే లక్ష్యంతో ఉంది.

మెటా ఏఐ ఇప్పటికే వాట్సాప్, ఇన్‌స్టాగ్రామ్, ఫేస్‌బుక్‌లలో ఏఐ చాట్‌బాట్‌గా ఉనికిలో ఉండగా, కంపెనీ ప్రస్తుతం సెర్చ్ చేయడానికి దాని సామర్థ్యాలను విస్తరించాలని నిర్ణయించుకుంది.

కొత్త ఏఐ-శక్తితో కూడిన సెర్చ్ ఇంజన్ విస్తృత శ్రేణి వినియోగదారు ప్రశ్నలకు తాజా ప్రతిస్పందనలను అందించనుంది. ఇంకా ఇది వాయిస్ ద్వారా కూడా సమాధానాలు ఇస్తుంది.

సెర్చ్ ఇంజిన్‌కు మెటా ఏఐ ప్రధాన చోదక శక్తిగా చెప్పబడుతుంది. మెటా రాయిటర్స్‌తో ఇప్పటికే ఒప్పందంపై సంతకం చేసింది. న్యూస్ అవుట్‌లెట్ కంటెంట్‌కు దాని ఏఐ యాక్సెస్‌ను మంజూరు చేసింది.