కుంభం: ధనిష్ట 3, 4 పాదాలు, శతభిషం, పూర్వాభాద్ర 1, 2, 3 పాదాలు ఈ మాసం ప్రతికూలతలు అధికం. వ్యవహారాల్లో తప్పటడుగు వేసే ఆస్కారం ఉంది. నిపుణుల సలహా పాటించండి. పనులు పూర్తి కావస్తున్న సమయంలో ఆటంకాలు ఎదురవుతాయి. ఆదాయం అంతంత మాత్రమే. పురోభివృద్ధి లేక నిస్తేజానికి లోనవుతారు. అపరిచితుల విషయాలకు దూరంగా ఉండండి. ఏ విషయాన్ని తీవ్రంగా పరిగణించవద్దు. ఆత్మీయులతో సంభాషణ ఊరటనిస్తుంది. కొత్త యత్నాలకు శ్రీకారం చుడతారు. కలిసి వచ్చిన అవకాశాలను తక్షణం అందిపుచ్చుకోండి. అనుమానాలు, అపోహలకు తావివ్వద్దు. సంతానం ఉద్యోగ యత్నం ఫలిస్తుంది. మానసికంగా కుదుటపడతారు. ఆరోగ్యం నిలకడగా ఉంటుంది. వ్యాపారాలు సామాన్యంగా సాగుతాయి. ఉపాధి పథకాలు చేపడతారు. ఉపాధ్యాయులకు శ్రమకు తగిన గుర్తింపు ఉండదు. శుభకార్యంలో పాల్గొంటారు.