ఆంధ్ర‌ప్ర‌దేశ్ లోని గుంటూరు జిల్లాలో నెల‌కొల్పిన ఆచార్య నాగార్జున యూనివర్సిటీకి జాతీయ స్థాయిలో 36వ ర్యాంకు ల‌భించింది. ఉమ్మ‌డి ఆంధ్ర‌ప్ర‌దేశ్ లో నాగార్జున యూనివర్సిటీకి ఎంతో గుర్తింపు ఉండేది. ఇక్క‌డ ఉన్న‌త విద్య అభ్య‌సించిన వారు దేశ, విదేశాల్లో రాణించారు. ఇపుడు ఆ యూనివర్సిటీకి ర్యాంకింగ్ వ‌చ్చింది.
ర్ఇఆంటైమ్స్ హయ్యర్ ఎడ్యుకేషన్ సంస్థ (లండన్) విడుదల చేసిన 'వరల్డ్ యూనివర్సిటీ ర్యాకింగ్స్'లో ఆచార్య నాగార్జున యూనివర్సిటీ రాష్ట్ర స్థాయిలో మొదటి ర్యాంకు, జాతీయ స్థాయిలో 36వ ర్యాంకును సాధించింది. అంతర్జాతీయ స్థాయిలో 1001 - 1200 కేటగిరీలో నిలిచింది. అంతర్జాతీయ కేటగిరీకి సంబంధించి బోధనలో 193వ ర్యాంకు, పరిశోధనల్లో 1.430వ ర్యాంకు, పరిశ్రమలతో సంబంధాలు, సైటేషన్సలో 687వ ర్యాంకును సాధించినట్టు వీసీ పి.రాజశేఖర్ చెప్పారు.