రెండు తెలుగు రాష్ట్రాల్లో విస్తారంగా వర్షాలు కురుస్తున్నాయి. నైరుతి రుతుపవనాలు రాష్ట్రంలోకి ప్రవేశించిన తర్వాత అనేక జిల్లాల్లో వర్షాలు కురిశాయి. ఈ క్రమంలో శుక్రవారం రాష్ట్రంలోని 9 జిల్లాల్లో విస్తారంగా వర్షాలు పడే అవకాశం ఉందని రాష్ట్ర విపత్తు నిర్వహణ శాఖ తెలిపింది. దీనికి సంబంధించి ఒక మ్యాచ్‌ను కూడా రిలీజ్ చేసింది.
తొమ్మిది జిల్లాల్లో భారీ వర్షం, ఐదారు జిల్లాల్లో ఓ మోస్తారు వర్షం పడుతుందని పేర్కొంది. వీటిలో కర్నూలు, నంద్యాల, అనంతపురం, శ్రీసత్యసాయి, అన్నమయ్య, తిరుపతి, నెల్లూరు, అల్లూరి సీతారామరాజు పార్వతీపురం మన్యం జిల్లాల్లో మాత్రం భారీ నుంచి అతి భారీ వర్షం, నెల్లూరు జిల్లాలోని పలు ప్రాంతాల్లో కుండపోత వర్షం పడే అవకాశం ఉందని తెలిపింది.
అదేవిధంగా కడప, ప్రకాశం, గుంటూరు, తూర్పుగోదావరి, కాకినాడ, అనకాపర్లి, విజయనగరం, విశాఖపట్టణం జిల్లాల్లో సాధారణం నుంచి ఓ మోస్తారు వర్షాలు పడే అవకాశం ఉందని తెలిపింది. ఈ మేరకు ఏపీ స్టేట్ మేనేజ్మెంట్ అథారిటీ గురువారం ట్విట్టర్‌లో ఓట్వీట్ చేసింది.