నా కాళ్ళు పట్టుకుంటావా? లేదా కేసు పెట్టి చంపుతా? (వీడియో)

ఎయిర్‌హోస్ట్‌ను ఇద్దరు పోకిరీలు లైంగికంగా వేధించారు. ఉద్దేశ్యపూర్వకంగా ఆమెపై పడేందుకు యత్నించారు. దీంతో ఆమె పోలీసుల వద్దకు వెళ్లడంతో సీన్ రివర్స్ అయింది. నా కాళ్లు పట్టుకుంటే వదిలేస్తా? లేదంటే కేసు పె

ఎయిర్‌హోస్ట్‌ను ఇద్దరు పోకిరీలు లైంగికంగా వేధించారు. ఉద్దేశ్యపూర్వకంగా ఆమెపై పడేందుకు యత్నించారు. దీంతో ఆమె పోలీసుల వద్దకు వెళ్లడంతో సీన్ రివర్స్ అయింది. నా కాళ్లు పట్టుకుంటే వదిలేస్తా? లేదంటే కేసు పెట్టిమరీ చంపేస్తా అంటూ ఆ ఎయిర్‌హోస్ట్ ధైర్యంగా వార్నింగ్ ఇచ్చింది. దీంతో ఆ అకతాయిలు మరోమార్గం లేకు ఆమె రెండు కాళ్లు పట్టుకుని క్షమాపణ అడిగి, అక్కడ నుంచి జారుకున్నారు. ఈ ఘటన హైదరాబాద్ శంషాబాద్ ఇంటర్నేషనల్ ఎయిర్‌పోర్టులో జరిగింది. దీనికి సంబంధించిన వీడియో ఒకటి సోషల్ మీడియాలో చక్కర్లు కొడుతోంది. ఈ వివరాలను పరిశీలిస్తే, 

ఓ ఎయిర్‌లైన్స్‌లో ఎయిర్ హోస్టస్‌గా ఓ అమ్మాయి పని చేస్తోంది. ఈమె శనివారం రాత్రి విధులు ముగించుకుని ఎయిర్ పోర్ట్ నుంచి బయటకు వచ్చింది. పార్కింగ్ ప్లేస్‌లో భరత్, కల్యాణ్ అనే ఇద్దరు యువకులు ఆ అమ్మాయితో అసభ్యంగా ప్రవర్తించారు. దీంతో ఆమె స్థానికంగా ఉన్న పోలీసులను ఆశ్రయించింది. వెంటనే పోలీసులు.. పార్కింగ్ ప్లేస్‌లోనే ఉన్న ఆ ఇద్దరు యువకులను అదుపులోకి తీసుకున్నారు.

పోలీసులు పట్టుకోవటంతో ఆ అకతాయిలు స్వరం మార్చారు. ఆ అమ్మాయిని వేడుకున్నారు. కేసు పెట్టొద్దని.. ప్లీజ్ మేడమ్.. ప్లీజ్ మేడమ్ అంటూ ఒకటికి వంద సార్లు ప్రాధేయపడ్డారు. అయినా ఆ అమ్మాయి కనికరించలేదు. దీంతో భరత్, కల్యాణ్‌ను పోలీస్ స్టేషన్‌కు తరలించారు. అక్కడ కూడా ఈ యువకులు చేతులు జోడించి వేడుకున్నారు. పొరపాటున జరిగిందని.. కావాలని మీద పడలేదని దండం పెట్టారు.

అయితే ఆ అమ్మాయి అంతటితో ఆగలేదు. చేసిన తప్పుకి కాళ్లు పట్టుకుని సారీ చెప్పాలని కోరింది. దీనికి కూడా ఆ యువకుడు ఓకే అన్నాడు. అమ్మాయి కాళ్ల ముందు ఒంగి సారీ చెప్పాడు.. అలా కాదు.. బెండ్ డౌన్.. బెండ్ డౌన్.. అప్పుడే వదిలేస్తా అని బెదిరించింది. లేకపోతే కేసు పెట్టి మరీ చంపుతా.. బెండ్ డౌన్.. కాళ్లు పట్టుకో.. కాళ్లు పట్టుకో నువ్వు.. నా కాళ్లకు చేతులు టచ్ చేయాలని డిమాండ్ చేసింది. దీంతో ఆ యువకుడు అందరి ముందు కాళ్లు పట్టుకుని క్షమాపణలు కోరాడు. దీంతో ఆ యువతి కేసు పెట్టకుండా వదిలివేసింది.