రోజాను ఓడించడం పెద్ద కష్టేమేమీ కాదు... వాణీ విశ్వనాథ్

వైఎస్సార్సీపి ఫైర్ బ్రాండ్‌గా పేరు తెచ్చుకున్న ఎమ్మెల్యే రోజాను ఎన్నికల్లో ఓడించడం పెద్ద కష్టమేమీ కాదని నటి వాణీ విశ్వనాథ్ అంటున్నారు. సోమవారం నాడు ఆమె విజయవాడ కనకదుర్గ అమ్మవారిని దర్శించుకున్నారు. ఈ సందర్భంగా విలేకరులతో ముచ్చటించారు. తెలుగుదేశం పార్

వైఎస్సార్సీపి ఫైర్ బ్రాండ్‌గా పేరు తెచ్చుకున్న ఎమ్మెల్యే రోజాను ఎన్నికల్లో ఓడించడం పెద్ద కష్టమేమీ కాదని నటి వాణీ విశ్వనాథ్ అంటున్నారు. సోమవారం నాడు ఆమె విజయవాడ కనకదుర్గ అమ్మవారిని దర్శించుకున్నారు. ఈ సందర్భంగా విలేకరులతో ముచ్చటించారు. తెలుగుదేశం పార్టీలో చేరేందుకు మీరు సిద్ధమైపోయారని అనుకుంటున్నారన్న ప్రశ్నకు... ఆ విషయం నేను మైండ్‌లో ఎప్పుడో ఫిక్స్ అయిపోయాను. 

ఇప్పుడు కొత్తగా తెలుగుదేశం పార్టీలో చేరడంపై ఆలోచించేదేమీ లేదు. నేను చంద్రబాబు నాయుడు నాయకత్వంలో పార్టీలో త్వరలోనే చేరుతాను. వచ్చే ఎన్నికల్లో రోజాను ఓడించగలరా అని ఓ విలేకరి అడుగగా... రోజాను ఓడించడం పెద్ద కష్టమేమీ కాదన్నారు. 

తెలుగుదేశం పార్టీ ప్రజల అభివృద్ధి కోసం అన్నివిధాలా పనిచేస్తుందనీ, పాటుపడుతుందని చెప్పుకొచ్చారు. లక్ష్మీస్ వీరగ్రంథం చిత్రం గురించి స్పందిస్తూ.. ఈ చిత్రంలో నటించాల్సిందిగా ఓ ఫోన్ కాల్ తనకు వచ్చినమాట నిజమేననీ, కాకపోతే ఆ చిత్రంలో నటిస్తానా లేదా చెప్పలేనన్నారు. తన మేనేజర్ నెంబరు ఇచ్చి అతడితో చర్చించాల్సిందిగా సలహా ఇచ్చినట్లు చెప్పారు.