రైనాకు సోనూసూద్ సాయం.. కేవలం 10 నిమిషాల్లోనే ఆక్సిజన్ పంపాడు..

కరోనా సెకండ్ వేవ్ విజృంభిస్తోంది. ఈ నేపథ్యంలో ఆక్సిజన్ కొరత, బెడ్ల కొరత ఏర్పడింది. ఈ నేపథ్యంలో ఆక్సిజన్ల కోసం జనాలు నానా తంటాలు పడుతున్నారు. ఇలాంటి పరిస్థితుల్లోనూ బాలీవుడ్ నటుడు సోనూసూద్ సాయం కొనసాగుతోంది. 

కోవిడ్‌ బాధితులు దేశంలో ఎక్కడ ఉన్నా వారికి అవసరమైన ఆర్థిక, వైద్య సాయం చేస్తూ అండగా నిలుస్తున్నాడు. ఈ క్రమంలోనే భారత మాజీ క్రికెటర్​ సురేశ్​ రైనాకు సాయం చేసి పెద్ద మనసు చాటుకున్నాడు. కేవలం 10 నిమిషాల్లోనే మెడికల్‌ ఆక్సిజన్​ సిలిండర్​ను పంపి మరోసారి మానవత్వాన్ని చాటుకున్నారు.

‘మీరట్‌లో ఉన్న మా ఆంటీ కోసం అత్యవసరంగా ఆక్సిజన్‌ సిలిండర్‌ కావాలి. ఆమె వయసు 65ఏండ్లు. ఆమె తీవ్ర ఊపిరితిత్తుల ఇన్ఫెక్షన్‌తో హాస్పిటల్‌లో ఉంది’ అంటూ సురేశ్‌ రైనా ట్వీట్‌ చేశాడు. రైనా ట్వీట్​కు వెంటనే స్పందించిన సోనూ సూద్‌..10 నిమిషాల్లోనే ఆక్సిజన్‌ సిలిండర్‌ అక్కడికి చేరుకుంటుంది భాయ్‌ అంటూ రిప్లై ఇచ్చాడు.