ఆవిరి కుడుములు తయారు చేసి అమ్మకు తినిపించిన మాస్టర్ బ్లాస్టర్ (వీడియో)

క్రికెట్ మైదానంలో తన బ్యాటుతో ప్రత్యర్థుల వెన్నులో వణుకు పుట్టించిన మాస్టర్ బ్లాస్టర్ సచిన్ టెండూల్కర్ ఇపుడు వంట గదిలో కూడా ఎంతో ప్రావీణ్యమున్న కుక్‌గా మారిపోయాడు. కిచెన్‌లో తన వంట నైపుణ్యంతో అదరగొడుతూ, మహారాష్ట్ర సంప్రదాయ వంటకమైన ఉక్దిచే మోదక్ (ఆవిరి కుడుము)ను తయారు చేశాడు. ఇందుకు సంబంధించిన వీడియోను సచిన్ తన సోషల్ మీడియా ఖాతాలో షేర్ చేయగా, అది క్షణాల్లో వైరల్‌గా మారింది. 

వీడియోలో సచిన్ ఎంతో శ్రద్ధగా, సంప్రదాయ పద్ధతిలో వంటకాన్ని తయారు చేయడం కనిపించింది. ఆవిరి మీద ఉడికించే ఈ పదార్థాన్ని ఆయన సచిన్ చాలా నిపుణుడిలా తయారు చేయడం నెటిజన్లను అమితంగా ఆకట్టుకుంది. పైగా, తాను తయారు చేసిన వంటకాన్ని ఆప్యాయంగా తన తల్లికి రుచి చూపించాడు. ఆ తర్వాత తాను కూడా ఆరగించాడు. 

క్రికెట్ మైదానంలో ఎంతో ఏగాగ్రతతో ఆడతాడో వంట గదిలోనూ అంతే శ్రద్ధ చూపిస్తూ ఆ వంటాన్ని సచిన్ తయారు చేయడం గమనార్హం. ఈ వీడియో చూసిన అభిమానులు, నెటిజన్లు ప్రశంసల వర్షం కురిపిస్తున్నారు. బ్యాటింగ్‌లోనే కాదు... వంట గదిలో కూడా మాస్టర్ బ్లాస్టరే అంటూ కొనియాడుతున్నారు. క్రికెట్ దేవుడు కిచెన్‌లో కూడా దేవుడే అని మరికొందరు సరదాగా కామెంట్స్ చేయడం గమనార్హం. 

View this post on Instagram

A post shared by Sachin Tendulkar (@sachintendulkar)