నవ్వితే ఏమవుతుందో తెలుసా?

నవ్వును జీవితంలో భాగం చేసుకోవడం ద్వారా మానసిక ఒత్తిడిని అధిగమించవచ్చు. నవ్వడం వల్ల ఒత్తిడి దూరమవుతుంది. రక్తపోటు తగ్గుతుంది. రక్తప్రసరణ వ్యవస్థ మెరుగుపడుతుంది. నవ్వు సీరమ్ కార్టిసాల్‌ను తగ్గించి టి లింఫోసైట్స్ పనితనాన్ని పెంచుతుంది. ఈ విషయం పరిశోధనల్లో రుజవయింది.

నవ్వు వ్యాధి నిరోధక శక్తిని పెంచడమే కాకుండా, వ్యాధి నుంచి కాపాడే ప్రొటీనులు, గామ్మా- ఇంటర్ ఫెరాన్, వ్యాధిని నయం చేసే యాంటీబాడీస్ బి-సెల్స్‌ను పెంచుతుంది. ఒత్తిడిని దూరం చేసుకోవాలంటే మానసిక ప్రశాంతత అవసరం. మానసిక ప్రశాంతత వలన శరీరం తన పూర్వ స్థితిని పొందుతుంది. 

చురుకుగా, ఎప్పుడూ ఏదో ఒక పనిచేస్తూ ఉండటం వల్ల ఒత్తిడిని అధిగమించవచ్చు. ఆరోగ్యంలో మంచి అభివృద్ధిని గమనించవచ్చు.