రోగనిరోధక శక్తిని పెంచుకోవడానికి మీ ఆహారంలో తప్పనిసరిగా చేర్చుకోవాల్సిన ఆహారాలు

ఋతువులు మారుతున్న వేళ, మీ రోగనిరోధక శక్తిని బలోపేతం చేయడానికి, ఉత్తమ ఆకృతిలో ఉండటానికి ఆరోగ్యకరమైన, సమతుల్య ఆహారాన్ని తీసుకోవడం చాలా అవసరం. మీ రోజువారీ భోజనంలో బాదం, కాలానుగుణ పండ్లు, కూరగాయలు వంటి సహజ ఆహారాలను చేర్చుకోవడం వల్ల మీ శరీరం ఇన్ఫెక్షన్లతో పోరాడటానికి సహాయపడే ముఖ్యమైన పోషకాలు లభిస్తాయి. సీజనల్ ఫ్లూ, అనారోగ్యాల నుండి మిమ్మల్ని రక్షించడంలో సహాయపడే నాలుగు శక్తివంతమైన రోగనిరోధక శక్తిని పెంచే ఆహారాలు గురించి చూస్తే.,

బాదం: బాదం కేవలం రుచికరమైనది మాత్రమే కాదు. అవి రోగనిరోధక పనితీరుకు కీలకమైన విటమిన్ E, జింక్, ఫోలేట్, ఇనుముతో సహా 15 ముఖ్యమైన పోషకాల సహజ మూలం. ప్రతిరోజూ కొన్ని బాదంలను తినడం లేదా వాటిని మీ అల్పాహారంలో చేర్చడం వల్ల పోషకాహార పరంగా శరీరానికి అవసరమైన పోషకాలు లభిస్తాయి. సహజంగా కరకరలాడే, రుచికరమైన, బహుముఖ ప్రజ్ఞ కలిగిన బాదం ఎప్పుడైనా ఆస్వాదించడానికి అనుకూలమైన చిరుతిండి. వాస్తవానికి, ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) కూడా క్రమం తప్పకుండా బాదం తీసుకోవడం వల్ల రోగనిరోధక శక్తి మెరుగుపడుతుందని పేర్కొంది. మీ ఆహారంలో బాదంను చేర్చుకోవడం ఆరోగ్యంగా ఉండటానికి సరళమైన కానీ ప్రభావవంతమైన మార్గం!

సిట్రస్ పండ్లు: నారింజ, నిమ్మ, బత్తాయి, ద్రాక్షపండు వంటి సిట్రస్ పండ్లలో విటమిన్ సి పుష్కలంగా ఉంటుంది, ఇది తెల్ల రక్త కణాల ఉత్పత్తికి అవసరమైన పోషకం-ఇన్ఫెక్షన్ల నుండి శరీరం యొక్క రక్షణకు ఇవి తోడ్పడతాయి. ఈ పండ్లను మీ ఆహారంలో చేర్చుకోవడం వల్ల విటమిన్ సి తీసుకోవడం పెరుగుతుంది, మీ రోగనిరోధక వ్యవస్థకు మద్దతు ఇస్తుంది.

వెల్లుల్లి: వెల్లుల్లికి ఔషధ వినియోగంలో సుదీర్ఘ చరిత్ర ఉంది, దీనిలో అల్లిసిన్ అనే సహజ సమ్మేళనం కారణంగా యాంటీ బాక్టీరియల్ లక్షణాలకు ప్రసిద్ధి చెందింది. మీ భోజనంలో వెల్లుల్లిని చేర్చుకోవడం వల్ల రుచిని జోడించడమే కాకుండా సూక్ష్మజీవులతో పోరాడటానికి కూడా సహాయపడుతుంది. రుచి- ఆరోగ్యం కోసం కూరలు, సూప్‌లు, వేపుళ్ళు  మరియు సాస్‌లకు మెత్తగా తరిగిన వెల్లుల్లిని జోడించండి.

ఆకుకూరలు: పాలకూర, మునగకాయ ఆకులు, తోటకూర  ఆకులు, పుదీనా, ఇతర ఆకుకూరలు రోగనిరోధకతలో కీలక పాత్ర పోషిస్తున్న విటమిన్లు, యాంటీఆక్సిడెంట్లను కలిగి ఉంటాయి. ఈ ఆకుకూరలలో విటమిన్లు ఏ, సి, ఫోలేట్ ఉంటాయి, ఇవి ఆరోగ్యకరమైన రోగనిరోధక వ్యవస్థకు మద్దతు ఇవ్వడంలో కీలక పాత్ర పోషిస్తాయి. మీ ఆహారంలో పోషకమైన మరియు రుచికరమైన తోడ్పాటు  కోసం కూరలు, గ్రేవీలు, పప్పులు, సలాడ్‌లకు జోడించడం ద్వారా వివిధ రకాల ఆకుకూరలను మీ భోజనంలో చేర్చండి.

- షీలా కృష్ణస్వామి, న్యూట్రిషన్ అండ్ వెల్నెస్ కన్సల్టెంట్.