ప్రముఖ హాలీవుడ్ నటుడు మ్యాథ్యూ పెర్రీ (54) కన్నుమూశారు. ఈ విషయాన్ని లాస్ ఎంజిల్స్ టైమ్స్ సంస్థ అధికారికంగా వెల్లడించింది. 'ఫ్రెండ్స్' అనే టీవీ సిరీస్‌తో ప్రపంచ వ్యాప్తంగా గుర్తింపు తెచ్చుకున్న మ్యాథ్యూ పెర్రీ శనివారం సాయంత్రం 4 గంటల సమయంలోనే తన నివాసంలో విగతజీవిగా పడివున్నారు.
దీనిపై సమాచారం తెలుసుకున్న పోలీస్ అధికారులు అక్కడకు చేరుకుని ఆయన భౌతికకాయాన్ని స్వాధీనం చేసుకుని ఆస్పత్రికి తరలించారు. అయితే, మ్యాథ్యూ పెర్రీ విగతజీవిగాపడివున్న ప్రాంతంలో డ్రగ్స్ గుర్తులతో పాటు అనుమానాస్పద వస్తువులు ఏవీ లేవని చెప్పారు. దీంతో ఆయన గుండెపోటుతోనే చనిపోవుంటారని అధికారులు భావిస్తున్నారు. మ్యాథ్యు పెర్రీ మృతిపట్ల ఆయన అభిమానులు, సినీ ప్రియులు దిగ్భ్రాంతిని వ్యక్తం చేస్తున్నారు.