ట్రంప్ బుర్రలేని బిలియనర్.. స్టుపిడ్ అధ్యక్షుడిని ఎన్నుకున్నారు: అల్-షబాబ్

అమెరికా అధ్యక్షుడు డొనాల్డ్ ట్రంప్‌పై సోమాలియా ఉగ్రవాద సంస్థ విమర్శలు గుప్పించింది. డొనాల్డ్ ట్రంప్ బుర్రలేని బిలియనర్ అని సోమాలియా టెర్రరిస్టు సంస్థ అల్-షబాబ్ అభివర్ణించింది. ఈ మేరకు ఓ వీడియోను విడుద

అమెరికా అధ్యక్షుడు డొనాల్డ్ ట్రంప్‌పై సోమాలియా ఉగ్రవాద సంస్థ విమర్శలు గుప్పించింది. డొనాల్డ్ ట్రంప్ బుర్రలేని బిలియనర్ అని సోమాలియా టెర్రరిస్టు సంస్థ అల్-షబాబ్ అభివర్ణించింది. ఈ మేరకు ఓ వీడియోను విడుదల చేసింది. ఆఫ్రికాలో అత్యంత ప్రమాదకరమైన ఇస్లామిక్ ఉగ్రవాద సంస్థ అయిన అల్-షబాబ్‌పై మిలటరీ ఆపరేషన్స్‌కు ట్రంప్ అనుమతి ఇచ్చారు. దీంతో ఆ సంస్థపై వాయుదాడులకు అవకాశం ఏర్పడింది. ట్రంప్ ట్రావెల్ బ్యాన్ విధించిన దేశాల్లో సోమాలియా కూడా ఉంది. 

అల్-షబాబ్ ఉగ్రవాదులపై కఠిన చర్యలు తీసుకోవాలని అమెరికా నిర్ణయించిన నేపథ్యంలో అమెరికా ఓటర్లు ఓ స్టుపిడ్ అధ్యక్షుడిని ఎన్నుకున్నారని ఎలాంటి సందేహం లేకుండా చెప్పవచ్చునని వీడియోలో పేర్కొంది. అమెరికాను గొప్పగా తీర్చిదిద్దుతానంటూ ట్రంప్ చెప్తున్నది.. ఈ భూమ్మీదే అతిపెద్ద జోక్ అంటూ ఎద్దేవా చేసింది. 

ఇదిలా ఉంటే... కెన్యాలో మరి కొద్దిరోజుల్లో ఎన్నికలు జరుగనున్న నేపథ్యంలో అల్‌-షబాబ్‌ దాడులకు వ్యూహం పన్నింది. దీంతో తీవ్రవాదులతో కఠినంగా వ్యవహరించాలని ఆ దేశాధ్యక్షుడు ఉహురు కెన్యెట్టా ఆదేశాలు జారీ చేసిన సంగతి తెలిసిందే.