ప్రేమించేటపుడు శృంగారం చేస్కుంటారా...?

నేను నా సీనియర్‌తో ప్రేమలో పడ్డాను. ఐతే మా ఇద్దరి చదువు పూర్తయి ఉద్యోగం వచ్చిన తర్వాత పెళ్లి చేసుకుందాం అనుకున్నాం. కానీ ఈమధ్య నా బాయ్ ఫ్రెండ్ శృంగారం కావాలని గోల చేస్తున్నాడు. పెళ్లయ్యేదాకా చేయకుండా ఉండలేనని బతిమాలుతున్నాడు. అతడు మరీ అంతగా అడుగుతుంటే ఏదో ఒకరోజు ఒప్పుకుంటానేమోనన్న డౌట్ వస్తోంది. అసలు ప్రేమించేటపుడు శృంగారం చేసుకోవచ్చా...? దీనివల్ల ఇబ్బందులు ఏమయినా కలుగుతాయా...?

ప్రేమికుల్లో పెళ్లి చేసుకునే వరకూ శృంగారంలో పాల్గొనకుండా ఉండేవారు, పరిచయమైన కొద్ది రోజులకే ఆ సుఖాన్ని చవిచూసేవారు ఉంటుంటారు. ప్రేమికులు - శృంగారం అనే అంశంపై జరిపిన పరిశోధనలో ప్రేమికులయినవారిలో కొన్ని జంటలు తాము ప్రేమలో పడిన 45 రోజుల లోపు శృంగారంలో పాల్గొంటారని తేలింది. అంతేకాదు... అలా తొలిసారి ఆ అనుభవాన్ని చవిచూసిన లవర్స్ ఇంకా ఇంకా శృంగారంలో పాల్గొనాలన్న వాంఛతో ఉంటారట. 

ఐతే ఎక్కువమంది ఈ కార్యక్రమాన్ని పెళ్లి తర్వాతనే ఆస్వాదిస్తారని తేలింది. ఈ రెండు అంశాలలో పాల్గొన్నవారికి భిన్న ఫలితాలు కూడా సంప్రాప్తిస్తాయని పరిశోధనలో వెల్లడయింది. అవేంటంటే, పెళ్లికి ముందు శృంగారంలో పాల్గొనే జంటల్లో అధిక జంటలు పెళ్లయిన తర్వాత విడాకులు తీసుకునే సందర్భాలు అధికంగా ఉంటాయని చెపుతున్నారు. 

అదేవిధంగా పెళ్లి తర్వాత మాత్రమే పాల్గొనే జంటల్లో విడాకుల శాతం చాలా తక్కువగా ఉన్నట్లు తమ పరిశోధనలో తేలిందని వెల్లడించారు. కనుక పెళ్లికి ముందు శృంగారం వల్ల సమస్యలు ఉత్పన్నమవుతాయి. అతడు ఎంత బతిమాలినప్పటికీ పెళ్లికి ముందే ఆ కార్యక్రమాన్ని ముగించే దిశగా అడుగులు వేయరాదన్నది పరిశోధకుల మాట.