Daily Horoscope
✕

శ్రీకృష్ణ పరమాత్మనే సంభ్రమాశ్చర్యాలకు గురి చేసిన కర్ణుడి దానం....

ఒకసారి కర్ణుడు తన ఇంటి ఆవరణలో నూనెతో తలంటుకుంటున్నాడు. వజ్రవైఢూర్యాలు పొదిగిన పాత్రలో నూనె ఉంది. అదే సమయంలో శ్రీకృష్ణుడు కర్ణుడి ఇంటికి వచ్చాడు. కృష్ణడి రాకను గమనించి ప్రణామాలు తెలిపాడు కర్ణుడు. అతడి పక్కనే ఉన్ననూనె ఉంచిన పాత్రను చూడగానే.... కృష్ణడిక

Webdunia
గురువారం, 25 జనవరి 2018 (21:10 IST)
ఒకసారి కర్ణుడు తన ఇంటి ఆవరణలో నూనెతో తలంటుకుంటున్నాడు. వజ్రవైఢూర్యాలు పొదిగిన పాత్రలో నూనె ఉంది. అదే సమయంలో శ్రీకృష్ణుడు కర్ణుడి ఇంటికి వచ్చాడు. కృష్ణడి రాకను గమనించి ప్రణామాలు తెలిపాడు కర్ణుడు. అతడి పక్కనే ఉన్ననూనె ఉంచిన పాత్రను చూడగానే.... కృష్ణడికి ముచ్చటేసింది. కర్ణా నాకు ఈ నూనె పాత్ర ఎంతో నచ్చింది. దానిని నాకు దానమివ్వు అని అడిగాడు కృష్ణుడు. 
 
పరమాత్మా... మీరు అడగాలే కానీ, ఏదైనా ఇవ్వడానికి నేను సిద్ధం అంటూ వెంటనే నూనె పాత్రను కృష్ణడికి దానం ఇచ్చేశాడు. కుడి చేతికి నూనె ఉండటం వల్ల ఎడమ చేతితో దానమిచ్చాడు కర్ణుడు. ఇది గమనించిన కృష్ణుడు కర్ణా.. ఇలా వామ హస్తంతో దానం ఇవ్వడం మంచి పద్ధతి కాదని నీకు తెలియదా అని ఆక్షేపించాడు. దానికి కర్ణుడు కృష్ణా... ఈ జీవితం క్షణభంగురం. లిప్తపాటులో మృత్యువు దాపురించవచ్చు. పైగా ఈ చిత్తం మాయామోహ వలయంలో చిక్కుకుని ఉంటుంది. ఈ క్షణంలో అనుకున్నది మరుక్షణంలో మాయ చేసి మార్చివేస్తుంటుంది.
 
నా కుడి చెయ్యి నూనెతో ఉంది. కడుక్కొని వచ్చి దానమిచ్చేలోపు ప్రాణాలు ఉంటాయో లేదో ఎవరికి తెలుసు. పైగా ఈలోపు దానమివ్వాలన్న నా ఆలోచన కూడా మారిపోవచ్చు. నా సంకల్పంలో మార్పు రాకముందే దానమివ్వాలనుకున్నా. అందుకు మీరడిగిన వెంటనే నూనె పాత్ర దానం చేశాను. అంతేగాని ఎడమ చేతితో దానం ఇవ్వకూడదని తెలియక కాదు అన్నాడు. కర్ణుడి దానశీలతకు కృష్ణ పరమాత్మ ఆశ్చర్యపోయాడు. అతణ్ణి మనసారా ఆశీర్వదించి దానం తీసుకున్నాడు.
 
దానధర్మాలు, మంచిపనులు అనుకున్న వెంటనే చేయాలి. జీవితం క్షణభంగురమని గుర్తెరిగి ధర్మకార్యాలను వాయిదా వేయకుండా సంకల్పం అయిన వెంటనే ఆచరించాలి. అప్పుడే భగవంతుని అనుగ్రహం కలుగుతుంది.

సంబంధిత వార్తలు

అన్నీ చూడండి

తాజా వార్తలు

ఎంత పెద్ద స్టార్ అయినా లోపాలు ఉంటాయ్ : శామ్ ఆల్ట్‌మెన్

విజన్ 2050 గురించి గొప్పలు చెప్తున్న చంద్రబాబు సర్కారు.. ఎద్దేవా చేసిన వైకాపా

అక్వాన్ తుఫానుపై సీఎం చంద్రబాబు సమీక్ష - కలెక్టర్లు అప్రమత్తంగా ఉండాలి...

కేప్‌ టౌన్ ప్రజలకు వార్నింగ్ ఇచ్చిన ప్రకృతి.. ఏప్రిల్ 14, 2027 తర్వాత తాగు నీటి సరఫరా లేదు

జెన్సన్ హువాంగ్‌కు మరో ఛాన్స్ లేదు..: ఎన్విడియా బోర్డు

అన్నీ చూడండి

లేటెస్ట్

17-11-2026- మంగళవారం రాశి ఫలాలు- అనవసరమైన వాదనలకు దూరంగా ఉంటే?

16-11-2026 సోమవారం దిన ఫలాలు - చేస్తున్న పనులపై శ్రద్ధ వహించండి...

15-11-2026 - ఆదివారం రాశి ఫలాలు - ఆరోగ్యపరంగా చిన్నపాటి అలసట ఉన్నా..?

15-11-2026 నుంచి 21-11-2026 వరకు వారఫలాలు - భార్యాభర్తల మధ్య దాపరికం తగదు

శబరిమల: చాలకాయం-పంబ మార్గానికి రూ.15 కోట్ల వ్యయంతో ఆధునీకరణ పనులు

తర్వాతి కథనం
Show comments