ఫ్రెంచ్ ఓపెన్ : రఫెల్ నాదల్ ఖాతాలో పదో టైటిల్

ఫ్రెంచ్ ఓపెన్‌ టోర్నీలో అద్భుతం చోటుచేసుకుంది. స్పెయిన్ బుల్ రఫెల్ నాదల్ తన ఖాతాలో పదో టైటిల్‌ను వేసుకున్నాడు. కెరీర్‌లో 15 గ్రాండ్ స్లామ్ టోర్నీలు సాధించిన రఫెల్ నాదల్... క్లే కోర్టులో రారాజు తానేనని

ఫ్రెంచ్ ఓపెన్‌ టోర్నీలో అద్భుతం చోటుచేసుకుంది. స్పెయిన్ బుల్ రఫెల్ నాదల్ తన ఖాతాలో పదో టైటిల్‌ను వేసుకున్నాడు. కెరీర్‌లో 15 గ్రాండ్ స్లామ్ టోర్నీలు సాధించిన రఫెల్ నాదల్... క్లే కోర్టులో రారాజు తానేనని మరోసారి నిరూపించాడు. ఫ్రెంచ్ ఓపెన్ ఫైనల్‌లో స్విట్జర్లాండ్‌‌కు చెందిన వావ్రింకాను 6-2, 6-3, 6-1 తేడాతో వరుస సెట్లలో ఓడించి సరికొత్త రికార్డును సృష్టించాడు. దీంతో పది ఫ్రెంచ్ ఓపెన్ టైటిల్స్ సాధించిన ఏకైక టెన్నిస్ ఆటగాడిగా నాదల్ చరిత్ర పుటలకెక్కాడు. 

పురుషుల టెన్నిస్‌లో అత్యధిక గ్రాండ్ స్లామ్‌లు సాధించిన రెండో ఆటగాడిగా నాదల్ నిలిచాడు. అభిమానులు ముద్దుగా ఫెడెక్స్ అని పిలుచుకునే రోజర్ ఫెదరర్ 18 గ్రాండ్ స్లామ్‌లతో అగ్రస్థానంలో నిలవగా, నాదల్ 15 టైటిళ్లతో ద్వితీయ స్థానంలో నిలిచాడు. పది ఫ్రెంచ్ ఓపెన్ రికార్డు ఫెదరర్ పేరిట కూడా లేకపోవడంతో నాదల్ రికార్డును అంతా "నభూతోః నభవిష్యతిః"గా కీర్తిస్తున్నారు.