నందమూరి నటసింహం బాలకృష్ణ పుట్టినరోజు జూన్ 10న. ఈ సంవత్సరం బాలయ్య 60వ జన్మదినోత్సవం కావడంతో పుట్టినరోజును స్పెషల్‌గా ప్లాన్ చేసారు. అయితే కరోనా కారణంగా పెద్దగా పుట్టినరోజు సెలబ్రేషన్స్ ఉండవు అని ప్రచారం జరిగింది కానీ.. తాజా సమాచారం ప్రకారం... బాలయ్య బర్త్ డేను బాగానే ప్లాన్ చేసినట్టు వార్తలు వస్తున్నాయి.
ఇంతకీ మేటర్ ఏంటంటే... ఇటీవల ఓ యూట్యూబ్ ఛానల్‌కి ఇచ్చిన ఇంటర్వ్యూలో బాలయ్య మాట్లాడుతూ... ఓ పాట పాడాను. త్వరలో రిలీజ్ చేస్తున్నాను. చూడండి.. ఆ పాట ఎలా ఉంటుందో అంటూ హింట్ ఇచ్చారు. ఇంతకీ ఆ పాట ఏంటంటే... కరోనా మీద బాలయ్య పాడారట. ఈ పాటను బాలయ్యతో పాటు లేడీ సింగర్ పాడారని తెలిసింది.
బాలయ్య.. బోయపాటి శ్రీనుతో సినిమా చేస్తున్న విషయం తెలిసిందే. ఈ సినిమాకి సంబంధించిన టీజర్ కూడా రిలీజ్ చేయనున్నారు. ఇక సింగర్ సింహా బాలయ్య గురించి చెబుతూ ఓ పాట పాడాడట. జై బాలయ్య.. జై జై బాలయ్యా అంటూ సాగే ఈ పాట బాలయ్య గొప్పతనాన్ని తెలియచేసేలా ఉంటుందట.
మరో సర్ ఫ్రైజ్ ఏంటంటే... బాలయ్య గతంలో నర్తనశాల సినిమాను ప్లాన్ చేసారు. హీరోయిన్ సౌందర్య మరణంతో ఆ సినిమాను ఆపేసారు. ఇప్పుడు ఆ ఫుటేజ్ లోంచి కొంత తీసి చిన్న వీడియో రిలీజ్ చేయనున్నారని టాలీవుడ్లో టాక్ వినిపిస్తోంది. మొత్తానికి బాలయ్య బాబు 60వ పుట్టినరోజును గట్టిగానే ప్లాన్ చేసారు. ఇక బాలయ్య బాబు అభిమానులకు పండగే..!