దసరా బ్లాక్‌బస్టర్ : ఆల్టైమ్ హయ్యెస్ట్ గ్రాసర్ జాబితాలో 'జై లవ కుశ'
దసరా పండుగకు విడుదలైన చిత్రాల్లో హయ్యెస్ట్ గ్రాసర్ జాబితాలో జూనియర్ ఎన్టీఆర్ నటించిన "జై లవ కుశ" చిత్రం నిలిచింది. బాబీ దర్శకత్వంలో హీరో నందమూరి కళ్యాణ్ రామ్ నిర్మించిన ఈ చిత్రం సెప్టెంబర్ 21వ తేదీన ర
దసరా పండుగకు విడుదలైన చిత్రాల్లో హయ్యెస్ట్ గ్రాసర్ జాబితాలో జూనియర్ ఎన్టీఆర్ నటించిన "జై లవ కుశ" చిత్రం నిలిచింది. బాబీ దర్శకత్వంలో హీరో నందమూరి కళ్యాణ్ రామ్ నిర్మించిన ఈ చిత్రం సెప్టెంబర్ 21వ తేదీన రిలీజ్ అయిన విషయం తెల్సిందే.
దసర పండుగ రోజుల్లో ఈ సినిమా ఒక రేంజ్‌లో సందడి చేసింది. తెలుగు రాష్ట్రాలతో పాటు ఓవర్సీస్‌లోనూ భారీ వసూళ్లతో దూసుకుపోయింది. ఇప్పటికీ ఈ సినిమా జోరు తగ్గకపోవడం విశేషం. ఇంతవరకూ ఈ సినిమా రూ.125 కోట్లపై పైగా గ్రాస్‌ను వసూలు చేసింది.
ఈ యేడాది ఈ స్థాయి వసూళ్లను సాధించిన 3వ సినిమాగా నిలిచింది. ఈ సినిమాకి ముందు 'బాహుబలి 2', 'ఖైదీ నెంబర్ 150' వున్నాయి. ఇక తెలుగులో ఆల్ టైమ్ హయ్యెస్ట్ గ్రాసర్‌గా నిలిచిన చిత్రాల్లో 'జై లవ కుశ' 8వ స్థానాన్ని సంపాదించుకుంది.
అలాగే, మొదటి ఏడు స్థానాల్లో బాహుబలి, బాహుబలి 2, ఖైదీ నెంబర్ 150, శ్రీమంతుడు, జనతా గ్యారేజ్, అత్తారింటికి దారేది, సరైనోడు సినిమాలు ఉన్నాయి. మొత్తానికి ఎన్టీఆర్ మూడు పాత్రలను పోషించిన ఈ సినిమా, ఆయన కెరియర్లో ప్రత్యేకమైన స్థానాన్ని దక్కించుకోవడం గమనార్హం. దీంతో ఎన్టీఆర్ ఫ్యాన్స్ ఖుషీగా ఉన్నారు.