త్రివిక్రమ్ దర్శకత్వంలో ప్రభాస్.. భారీ బడ్జెట్‌తో సినిమా...!
'బాహుబలి' సినిమాతో తెలుగు సినీపరిశ్రమలో కొత్త ట్రెండ్ సృష్టించిన హీరో ప్రభాస్ ప్రస్తుతం "సాహో" సినిమా షూటింగ్‌లో బిజీగా ఉన్నారు. భారీ బడ్జెట్‌తో రూపొందుతున్న 'సాహో' సినిమా షూటింగ్ ప్రస్తుతం శరవేగంగా స
'బాహుబలి' సినిమాతో తెలుగు సినీపరిశ్రమలో కొత్త ట్రెండ్ సృష్టించిన హీరో ప్రభాస్ ప్రస్తుతం "సాహో" సినిమా షూటింగ్‌లో బిజీగా ఉన్నారు. భారీ బడ్జెట్‌తో రూపొందుతున్న 'సాహో' సినిమా షూటింగ్ ప్రస్తుతం శరవేగంగా సాగుతోంది. అయితే సినిమా షూటింగ్ జరుగుతుండగానే ప్రభాస్‌కు బంపర్ ఆఫర్ వచ్చింది. ప్రభాస్ కోసం మాటల మాంత్రికుడు త్రివిక్రమ్ ఒక కథను సిద్ధం చేసి స్వయంగా కాల్ చేసి చెప్పినట్టు ఫిల్మ్ వర్గాల సమాచారం. ప్రభాస్ బాడీ లాంగ్వేజ్‌కు సరిపోయేలా ఈ కథ ఉందట.
"మనం తీయబోయే సినిమా భారీ బడ్జెట్... అయితే సమయం కాస్త ఎక్కువవతుంది. ఓపిగ్గా ఉండాలి. సినిమా పూర్తయి రిలీజైతే మంచి పేరు సంపాదించుకోవచ్చు. సినిమా షూటింగ్ మొత్తం విదేశాలలోనే ఉంటుంది. సమయం ఎక్కువగా కేటాయించాల్సి ఉంటుంది. మొత్తం ముగ్గురు హీరోయిన్లు ఉంటారు. కథ నేను నేరుగా వచ్చి కలిసి మాట్లాడుతా" అంటూ ఫోన్‌లో త్రివిక్రమ్ చెప్పారట.
త్రివిక్రమ్ వంటి స్టార్ డైరెక్టర్ స్వయంగా ఫోన్ చేసి సినిమా తీస్తానంటే ఎవరు మాత్రం వద్దంటారు చెప్పండి. ప్రభాస్ కూడా అదే చేశారు. మీ ఇష్టం త్రివిక్రమ్ గారు.. అంటూ సమాధానమిచ్చారట. ఇప్పటికే పవర్ స్టార్ పవన్ కళ్యాణ్‌‌‍తో సినిమాలు చేసి తెలుగు సినీపరిశ్రమలో కొత్త ట్రెండ్ సృష్టించిన త్రివిక్రమ్ ప్రభాస్‌తో ఎలాంటి సినిమా చేయబోతాడన్నదే ఇపుడు ఆసక్తిగా మారింది. సినిమా కథను త్రివిక్రమ్ ఇప్పటికే సిద్ధం చేసినా షూటింగ్ మాత్రం ఆలస్యం కానుంది.