యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా దర్శకధీరుడు రాజమౌళి దర్శకత్వంలో తెరకెక్కుతున్న ప్రతిష్టాత్మక చిత్రం ఆర్ఆర్ఆర్. ఈ చిత్రంలో నటించే హీరోలు వివరాలు మాత్రమే తెలిసాయి కానీ హీరోయిన్లు ఎవరనేది ఇప్పటివరకూ బయటకు రాలేదు. ముగ్గురు హీరోయిన్లు వుంటారనే సమాచారం వచ్చింది.
ఈ ముగ్గురిలో కీర్తి సురేష్, రష్మిక మందన అనే రెండు పేర్లు బయటకు వచ్చాయి. తాజాగా మరోపేరు బయటకు వచ్చింది. ఎవరంటే... ప్రియమణి. ఈ చిత్రంలో ప్రియమణి భయంకరమైన విలన్ పాత్రలో పోషించనున్నట్లు టాలీవుడ్ న్యూస్. ఐతే రాజమౌళి మాత్రం ఎప్పటిలాగే సైలెంటుగా వున్నారు. ఇప్పటివరకూ హీరోయిన్లు ఎవరూ అనేది మాత్రం చెప్పనేలేదు. కాగా ఈ చిత్రానికి సంబంధించిన వివరాలను డిసెంబరు 12న చెపుతారని ఎప్పటి నుంచో అనుకుంటున్నారు. మరి ప్రచారంలో వున్నట్లుగా చెపుతారో... లేదంటే అది కూడా ఓ గాలి కబురుగా మిగిలిపోతుందో చూడాలి.