ఐ.పి.ఎస్. అధికారిగా రామ్ చరణ్ గేమ్‌ ఛేంజర్‌ తాజా అప్ డేట్

Ram Charan

తమిళ శంకర్‌ దర్శకత్వంలో రామ్‌చరణ్‌ హీరోగా తెరకెక్కుతున్న చిత్రం 'గేమ్‌ ఛేంజర్‌'. ఏడాదిన్నర పైగా ఈ చిత్రం ప్రారంభమైంది. ఈ మార్చి 27 న చరన్ పుట్టినరోజు. ఈసారి కూడా ఆ సినిమా షూట్ లో వుండనున్నారు. ఇక లేటెస్ట్ అప్ డేట్ ఏమంటే, నేను అనగా గురువారంనాడు హైదరాబాద్ లోని ఎల్.బి.స్టేడియంలో మూడు రోజులపాటు భారీ షెడ్యూల్ చేస్తున్నారు.

సమకాలీన రాజకీయ పరిస్థితుల నేపథ్యంలో ఈ సినిమా కథ వున్న విషయం తెలిసిందే. ఇందులో రామ్ చరణ్ ఐ.పి.ఎస్. అధికారిగా నటిస్తున్నారని తెలుస్తోంది. దీనికి సంబంధించిన కీలకమైన సీన్ ను షూట్ చేస్తున్నారట. ఈ సినిమాలో ముఖ్యమంత్రిగా శ్రీకాంత్ నటిస్తున్నారు. ఎస్.జె.సూర్య మంత్రిగా నటిస్తున్నారు. రామ్ చరణ్ తో ఛాలెంజ్ సీన్ తీస్తున్నట్లు తెలుస్తోంది. ముఖ్యమంత్రితో జరిగే సవాల్, ప్రతిసవాల్ నేపథ్యంలో ఈ సన్నివేశం వుంటుందట. అందుకే ముఖ్యమంత్రిగా ప్రమాణంచేసే సందర్భంగా కావాలనే చరణ్ ను రపించి రెచ్చగొట్టే సీన్ ను చేస్తున్నట్లు విశ్వసనీయ సమాచారం.

ఇందులో రామ్ చరణ్ ద్విపాత్రాభినయం చేస్తున్నారు. కియారా అద్వానీ, అంజలి నటిస్తున్న ఈ చిత్రాన్ని దిల్ రాజు నిర్మిస్తున్నారు.

ఇదిలా వుండగా,  రామ్ చరణ్ పుట్టినరోజు మార్చి 27 న హైదరాబాద్ శిల్పకళావేదికలో గ్రాండ్ గా అభిమానుల సమక్షంలో జరపడానికి సన్నాహాలు జరుగుతున్నాయి.