స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో వచ్చిన చిత్రం అల వైకుంఠపురములో. పూజా హెగ్డే హీరోయిన్ కాగా, ప్రముఖ నిర్మాతలు చినబాబు, అల్లు అరవింద్‌లు కలిసి ఈ చిత్రాన్ని నిర్మించారు. థమన్ సంగీత బాణీలు సమకూర్చారు. అయితే, ఈ చిత్రం గత సంక్రాంతికి విడుదలై ఎంత హిట్ అయిందో ప్రత్యేకంగా చెప్పనక్కర్లేదు. ముఖ్యంగా, ఈ చిత్రంలోని పాటలు మంచి పాపులర్ అయ్యాయి. ముఖ్యంగా, బుట్టబొమ్మ పాట అయితే ఇప్పటికీ సంచలనమే. వ్యూస్, లైక్స్ అంటూ రోజూ ఏదో ఒక రికార్డ్ వార్త ఈ పాట గురించి వినిపిస్తూనే ఉంది.
తాజాగా ఈ సాంగ్ 300 మిలియన్ ప్లస్ వ్యూస్ రాబట్టినట్లుగా మ్యూజిక్ డైరెక్టర్ థమన్ తెలిపారు. ఇప్పటివరకు తెలుగు సినిమా ఇండస్డ్రీకి సంబంధించి ఏ పాటకు ఇంత క్రేజ్ రాలేదు. టిక్ టాక్ వంటి మాధ్యమాలతో ఈ పాట అంతర్జాతీయ స్థాయిలో కూడా వినబడింది.
థమన్ సంగీతం, రామజోగయ్య సాహిత్యానికితోడు బన్నీ డ్యాన్స్, పూజా గ్లామర్ ఈ పాటకు ప్రధాన ఆకర్షణ అయ్యాయి. అందుకే యూట్యూబ్‌లో ఈ సాంగ్ విపరీతంగా క్రేజ్ అవుతోంది. ఇప్పుడీ పాట 300 మిలియన్ క్లబ్‌లోకి చేరి తెలుగు సినిమా స్థాయి ఏంటో మరోసారి చాటిచెప్పింది.