స్టైలిష్ స్టార్ అల్లు అర్జున్, సుకుమార్ కాంబినేషన్‌లో వస్తున్న సినిమా పుష్ప రిలీజ్ డేట్ ఫిక్స్ అయ్యింది. ఆర్య, ఆర్య 2 తర్వాత ఈ ఇద్దరి కాంబోలో వస్తున్న హ్యాట్రిక్ సినిమాగా పుష్ప మీద భారీ అంచనాలు ఉన్నాయి. మైత్రి మూవీ మేకర్స్ బ్యానర్ లో భారీ బడ్జెట్‌తో నిర్మిస్తున్న పుష్ప సినిమాను పాన్ ఇండియా రిలీజ్ ప్లాన్ చేశారు. ప్రస్తుతం ఈ సినిమా షూటింగ్ దశలో ఉంది.
అయితే తాజాగా ఈ సినిమా నుంచి ఓ అదిరిపోయే అప్డేట్ వచ్చింది. ఈ మూవీ పార్ట్ -1 ను ఈ ఏడాది చివరిలో అంటే డిసెంబర్ 25వ తారుఖున అన్నీ థియేటర్లలో విడుదల చేయనున్నట్లు చిత్ర బృందం అధికారికంగా ప్రకటించింది. ఈ మేరకు కాసేపటి క్రితమే చిత్ర బృందం ట్విటర్ వేదికగా వెల్లడించింది. ఈ క్రిస్మస్ మరింత ఐకానిక్ గా నిలుస్తుందని చిత్ర బృందం పేర్కొంది. కాగా ఈ సినిమాలో రష్మిక హీరోయిన్‌గా నటిస్తోంది.