వెండితెరపై మరోమారు అరుదైన కాంబినేషన్ (వీడియో)

బాలీవుడ్ వెండితెరపై మరోమారు అరుదైన కాంబినేషన్‌లో ఓ మూవీ రానుంది. ఈ చిత్రాన్ని దర్శకనిర్మాత రాజ్‌ కుమార్ సంతోషి తీయనున్నారు. ఇందుకోసం ఆయన తీవ్రంగా కృషి చేస్తున్నారు.

బాలీవుడ్ వెండితెరపై మరోమారు అరుదైన కాంబినేషన్‌లో ఓ మూవీ రానుంది. ఈ చిత్రాన్ని దర్శకనిర్మాత రాజ్‌ కుమార్ సంతోషి తీయనున్నారు. ఇందుకోసం ఆయన తీవ్రంగా కృషి చేస్తున్నారు. ఈ అరుదైన కాంబినేషన్‌లో ఈయన గతంలో 'బేటా' అనే చిత్రాన్ని నిర్మించగా, అది సూపర్ డూపర్ హిట్ అయింది. దీంతో మళ్లీ అలనాటి జోడీని వెండితెరపై చూపించేందుకు తనవంతు ప్రయత్నాలు చేస్తున్నారు.

ఆ అలనాటి వెండితెర జంట ఎవరో కాదు. ఎవర్‌గ్రీన్ హీరోహీరోయిన్లు అనిల్ కపూర్, మాధూరీ దీక్షిత్. వీరిద్దరూ 80, 90లలో రొమాంటిక్ పెయిర్‌గా చెప్పుకునే వారు. వీరి కాంబినేషన్‌లో సినిమా అంటే అదీ పక్కా హిట్ అనే టాక్ ఉండేది. ఈ జంట చివరిగా 2000 సంవత్సరంలో రూపొందిన డ్రామా మూవీ "పుకర్" సినిమాలో కలిసి నటించారు. 

ఇప్పుడు 17 సంవత్సరాల మళ్ళీ ఈ కాంబినేషన్‌ని తెరపైకి తీసుకొచ్చేందుకు రాజ్‌కుమార్ ప్రయత్నాలు చేస్తున్నాడట. జనవరిలో ఈ మూవీని సెట్స్‌పైకి తీసుకెళ్ళనున్నాడు. పూర్తి హాస్యభరితంగా ఈ మూవీని తెరకెక్కించాలని దర్శకుడు భావిస్తుండగా, అభిమనుల మనసులలో చిరస్థాయిగా నిలిచేలా తమ చిత్రంగా తీయాలని ఆయన ప్లాన్ చేస్తున్నాడు.