'దువ్వాడ జగన్నాథమ్‌' చిత్రంతో ప్రేక్షకుల ముందుకు వచ్చి డీజేగా ఆలరించిన అల్లు అర్జున్.. మరో కొత్త చిత్రంలో నటించనున్నారు. మెగా బ్రదర్ నాగబాబు సమర్పణలో రామలక్ష్మీ క్రియేషన్స్ పతాకంపై లగడపాటి శ్రీధర్, లగ
'దువ్వాడ జగన్నాథమ్‌' చిత్రంతో ప్రేక్షకుల ముందుకు వచ్చి డీజేగా ఆలరించిన అల్లు అర్జున్.. మరో కొత్త చిత్రంలో నటించనున్నారు. మెగా బ్రదర్ నాగబాబు సమర్పణలో రామలక్ష్మీ క్రియేషన్స్ పతాకంపై లగడపాటి శ్రీధర్, లగడపాటి శిరీషా సంయుక్తంగా నిర్మిస్తున్న ఈ చిత్రానికి వక్కంతం వంశీ దర్శకత్వం వహిస్తున్నారు. ఈ చిత్రంలో హీరోయిన్‌గా 'మజ్ను' ఫేమ్ అను ఇమ్మాన్యుయెల్‌ను ఖరారు చేశారు.
దీనిపై చిత్ర నిర్మాతల్లో ఒకరైన లగడపాటి శ్రీధర్ మాట్లాడుతూ అల్లు అర్జున్‌కు జోడీగా పలువురు క్రేజీ కథానాయికల పేర్లను పరిశీలించినప్పటికీ అను ఇమ్మాన్యుయెల్‌ను ఖరారు చేశాం. ఈ సినిమాలో యాక్షన్‌కింగ్ అర్జున్ కీలక పాత్రలో కనిపించనున్నారు. ప్రధాన విలన్‌గా శరత్‌కుమార్ నటిస్తున్నారు. అల్లు అర్జున్ నటించిన గత చిత్రాలకు పూర్తి భిన్నంగా సాగే చిత్రమిది.
ఆయన పాత్ర చిత్రణ కొత్తగా వుంటుంది. ఆగస్టు నుంచి రెగ్యులర్ షూటింగ్ ప్రారంభమవుతుంది. విశాల్-శేఖర్ ఈ చిత్రానికి సంగీతం అందిస్తున్నారు అని తెలిపారు. ఈ చిత్రానికి ఛాయాగ్రహణం: రాజీవ్ రవి, ఎడిటింగ్: కోటగిరి వెంకటేశ్వరరావు, ఫైట్స్: రామ్-లక్ష్మణ్, పాటలు: రామజోగయ్యశాస్త్రి, ప్రొడక్షన్ కంట్రోలర్: డి. యోగానంద్, ఎగ్జిక్యూటివ్ ప్రొడ్యూసర్: బాబు, సహనిర్మాత: బన్నీవాస్.