హేమ డ్రగ్స్ తీసుకున్నారు.. చార్జిషీటులో పేర్కొన్న బెంగుళూరు పోలీసులు (Video)

నటి హేమకు బెంగుళూరు పోలీసులు తేరుకోలేని షాకిచ్చారు. బెంగుళూరు రేవ్ పార్టీలో పాల్గొన్న హేమ... డ్రగ్స్ తీసుకున్నారని వారు తేల్చారు. ఈ మేరకు ఈ కేుసులో కోర్టుకు సమర్పించిన చార్జిషీటులో పేర్కొన్నారు. బెంగుళూరు రేవ్ పార్టీలో పాల్గొన్న నటి హేమ ఎండీఎంఏ రకం డ్రగ్స్ సేవించినట్టు పోలీసులు చార్జిషీటులో పేర్కొమన్నారు. పార్టీలో ఎండీఎంఏ డ్రగ్‌ను హేమ సేవించినట్టు ఆధారాలు చూపిస్తూ వైద్య పరీక్షల నివేదికలను చార్జిషీటుకు జతపరిచారు. 

ఈ పార్టీలో హేమతో పాటు 79 మందిని నిందితులుగా పోలీసులు పేర్కొన్నారు. పార్టీ నిర్వహించిన 9 మందిపై ఇతర సెక్షన్ల కింద కేసులు నమోదు చేశారు. ఎన్డీపీఎస్ సెక్షన్ 27 కింద హేమను నిందితురాలిగా పేర్కొన్నారు. హేమతో హాజరైన మరో యాక్టర్‌కు డ్రగ్స్ టెస్ట్ నెగెటివ్‌గా వచ్చినట్టు తెలిపారు. బెంగుళూరు పోలీసులు కోర్టుకు సమర్పించిన చార్జిషీట్‌తో సమసిపోయిందని భావించిన నటి హేమ డ్రగ్స్ కేసు మళ్లీ మొదటికొచ్చేలా ఉంది. 

ఆమె కొన్ని రిపోర్ట్స్ పట్టుకుని తాను డ్రగ్స్ సేవించలేదంటూ ఇటీవల హడావుడి చేశారు. దీంతో ఆమెపై ఉన్న నిషేధాన్ని మూవీ ఆర్టిస్ట్ అసోసియేషన్ ఎత్తివేసింది. అలాగే, మీడియా ముందుకు వచ్చిన ఆమె.. తెలంగాణ ముఖ్యమంత్రి రేవంత్ రెడ్డిని, ఏపీ ఉప ముఖ్యమంత్రి పవన్ కళ్యాణ్‌ను కలిసేందుకు ప్రయత్నాలు చేస్తున్నట్టు చెప్పారు. ఇపుడు చూస్తే కేసు మళ్లీ మొదటికి వచ్చింది. మరి ఇపుడు హేమ ఎలా స్పందిస్తారో వేచిచూడాల్సివుంది.