మెగాస్టార్ చిరంజీవి నటించిన చిత్రం "గాడ్‌ఫాదర్". ఇటీవల భారీ అంచనాల మధ్య రిలీజ్ అయిన ఈ చిత్రం పాజిటివ్ టాక్ తెచ్చుకుంది. అయితే, పెద్దగా ప్రదర్శనకు నోచుకోలేక పోయింది.
మోహన్‌ రాజా దర్శకత్వం వహించిన ఈ చిత్రం మలయాళంలో సూపర్ హిట్ అయింది లూసీఫర్‌కు రీమేక్‌గా తెరకెక్కింది. తెలుగు నెటివిటీలకు తగినట్టుగా కొన్ని మార్పులు చేసి ఇక్కడ రిలీజ్ చేశారు. మొదటివారం కలెక్షన్లు ఫర్వాలేదనిపించాయి. ఆ తర్వాత పూర్తిగా పడిపోయాయి.
ఈ పరిస్థితుల్లో శుక్రవారం రాత్రి నుంచి ఈ చిత్రం నెట్ఫ్లిక్స్ ఓటీటీలో స్ట్రీమింగ్ అవుతోంది. ఆరంభంలో పాజిటివ్ టాక్ తెచ్చుకుని వెండితెర ప్రేక్షకులను పెద్దగా ఆకట్టుకోలేక పోయినప్పటికీ ఈ చిత్రం కనీసం ఓటీటీలో అయినా ఆకట్టుకుంటుందో లేదో వేచిచూడాల్సివుంది.
కండల వీరుడు సల్మాన్ ఖాన్, అతిథి పాత్రలో నటించగా, ఎస్ఎస్ థమన్ సంగీతం సమకూర్చారు. హీరో రామ్ చరణ్, ఆర్బీ చౌదరిలు కలిసి ఈ చిత్రాన్ని నిర్మించారు.