ఈ నెల 22వ తేదీన వినాయక చవితి పండుగ. దీనికితోడు మెగాస్టార్ చిరంజీవి 65వ పుట్టిన రోజు. ఒకవైపు పండుగ, మరోవైపు తమ అభిమాన హీరో బర్త్‌డే. ఇక మెగా ఫ్యాన్స్‌ ఆనందానికి హద్దే ఉండదు. దీనికితోడు ఆ రోజు మరో మెగా సర్‌ప్రైజ్ ఇవ్వనున్నారు.
ప్రస్తుతం చిరంజీవి - కొరటాల శివ కాంబినేషన్‌లో ఓ చిత్రం తెరకెక్కుతోంది. ఈ చిత్రం మెజార్టీ భాగం షూటింగ్ పూర్తిచేసుకోగా, మరో షెడ్యూల్ మాత్రమే మిగిలివుంది. పైగా, ఈ చిత్రానికి ఆచార్య అనే టైటిల్‌ను ఫిక్స్ చేసినట్టు సమాచారం. ఈ క్రమంలో లాక్డౌన్‌తో ఆల‌స్య‌మైన చిరు 152వ చిత్రం నుంచి ఫస్ట్లుక్ ఎప్పుడెప్పుడా అని ఫ్యాన్స్‌ ఎదురుచూస్తున్నారు.
ఈ మూవీ ఫస్ట్లుక్ తోపాటు, మోష‌న్ పోస్ట‌ర్‌ను ఆగస్టు 22న చిరంజీవి పుట్టిన‌రోజు సంద‌ర్భంగా విడుద‌ల చేసేందుకు చిత్ర‌యూనిట్ సిద్ధమైపోయింది. పుట్టిన‌రోజు సంద‌ర్భంగా ఫస్ట్లుక్ పోస్ట‌ర్ అభిమానుల‌ను అంద‌రినీ అల‌రించ‌డం ఖాయ‌మైన‌ట్టే.
2021లో ఈ మూవీ విడుద‌ల కానుంది. యాక్ష‌న్ ఎంట‌ర్‌టైన‌ర్‌గా వ‌స్తోన్న ఈ మూవీని సురేఖా కొణిదెల స‌మ‌ర్పిస్తుండ‌గా.. ప్రముఖ నిర్మాత నిరంజ‌న్ రెడ్డి, చిరంజీవి తనయుడు, హీరో రామ్ చరణ్‌లు కలిసి సంయుక్తంగా నిర్మిస్తున్నారు.