రూ.2వేల కోట్ల వసూళ్లతో ''దంగల్'' అదుర్స్.. అవతార్, జురాసిక్ వరల్డ్ సరసన?
బాలీవుడ్ స్టార్ అమీర్ ఖాన్ నటించిన దంగల్ సినిమా రికార్డులను తిరగరాస్తోంది. భారత్ కంటే చైనాలో అత్యధిక కలెక్షన్లు సాధించిన ఈ సినిమా తాజాగా, ప్రపంచ వ్యాప్తంగా రూ.2 వేల కోట్లు వసూలు చేసిన తొలి భారతీయ చిత్
బాలీవుడ్ స్టార్ అమీర్ ఖాన్ నటించిన దంగల్ సినిమా రికార్డులను తిరగరాస్తోంది. భారత్ కంటే చైనాలో అత్యధిక కలెక్షన్లు సాధించిన ఈ సినిమా తాజాగా, ప్రపంచ వ్యాప్తంగా రూ.2 వేల కోట్లు వసూలు చేసిన తొలి భారతీయ చిత్రంగా చరిత్ర సృష్టించింది. ఈ మేరకు ప్రతిష్ఠాత్మక ఫోర్బ్స్ మేగజైన్ పేర్కొంది. చైనాలో 53వ రోజున రూ.2.5 కోట్లు వసూలు చేయడంతో, ప్రపంచ వ్యాప్తంగా మొత్తం రూ.2 వేల కోట్లు (307 మిలియన్ డాలర్లు) వసూలు చేసిన తొలి భారతీయ చిత్రంగా ఇది రికార్డు సాధించింది.
అలాగే ఇంగ్లీషేతర సినిమాల్లో అత్యధిక వసూళ్లలో దంగల్ సినిమా ఐదో స్థానాన్ని కైవసం చేసుకుంది. ఇక చైనాలో అత్యధిక వసూళ్ల సాధించిన తొలి 16 హాలీవుడ్ యేతర సినిమాల్లో దంగల్ కూడా స్థానం దక్కించుకుంది. ఫలితంగా దంగల్ ప్రస్తుతం ప్రపంచంలో అతిపెద్ద బ్లాక్ బస్టర్ సినిమాలైన ‘అవతార్’, ‘జురాసిక్ వరల్డ్’ సినిమాల సరసన నిలిచింది. అవతార్, జురాసిక్ వరల్డ్ సినిమాలు చైనా బాక్సాఫీసు వద్ద 15, 14 స్థానాల్లో నిలవగా ఆ తర్వాతి స్థానంలో దంగల్ నిలిచింది.