ఎన్టీఆర్ క‌థానాయ‌కుడు రిజ‌ల్ట్ గురించి క్రిష్ రియాక్ష‌న్..!

ఎన్టీఆర్ క‌థానాయ‌కుడు సినిమా ప్ర‌పంచ వ్యాప్తంగా రిలీజైంది. గ‌మ్యం, కంచె, గౌత‌మీపుత్ర శాత‌క‌ర్ణి.. ఇలా  వైవిధ్య‌మైన చిత్రాల‌ను అద్భుతంగా తెర‌కెక్కించ గ‌ల క్రిష్ ద‌ర్శ‌క‌త్వంలో రూపొందిన ఈ సంచ‌ల‌న చిత్రానికి అనూహ్య‌మైన స్పంద‌న ల‌భిస్తోంది. తొలి రోజు భారీ స్ధాయిలో ఓపెనింగ్స్ రాబ‌ట్టింది. ఈ సినిమాని హైదరాబాద్‌లోని ఓ థియేటర్లో బాలకృష్ణ, ఆయన కుటుంబసభ్యులు, దర్శకుడు క్రిష్ చూశారు. అనంతరం మీడియాతో క్రిష్ మాట్లాడుతూ... మా పని ఇంకా కొనసాగుతోంది. రామారావు గారి గురించి చాలా రీసెర్చ్ మెటీరియల్ ఉంది.

రామారావు గారిది ఒక గొప్ప కథ. ఈ క‌థ‌కు త‌గ్గ‌ట్టుగా అందమైన స్క్రీన్ ప్లే కుదిరింది. ఈ సినిమా గురించి వస్తున్న ఫోన్ కాల్స్ చూస్తుంటే నిజంగా చాలా గ‌ర్వంగా ఉంది. ఎన్టీఆర్ ప్రభ ఏమాత్రం తగ్గకుండా, ఆయన శోభను ప్రెజెంట్ చేసినందుకు కించిత్తు గర్వంగా, చాలా ఆనందంగా ఉంది. ఏఎంబీ స్క్రీన్-1లో ఈ సినిమా చూశాను. కొన్ని స్క్రీన్స్‌లో ఎఫెక్ట్స్ బాగా ఉండవు కానీ... మేము ఏదైతే ఎంత గొప్పగా తీశామో అంతే గొప్పగా ఈ స్క్రీన్‌లో ఉంది. ఇంకోసారి ఆ స్క్రీన్ లోనే సినిమా చూడాలి అనుకుంటున్నాను అన్నారు.