తెలుగులో బాక్సాఫీస్ షేక్ చేస్తోన్న కాంతార

కన్నడ చిత్రం కాంతార ప్రస్తుతం నెట్టింట వైరల్ అవుతోంది. ఇందులో నటుడిగా, దర్శకుడిగా రిషబ్ శెట్టి ఫుల్ మార్కులు సొంతం చేసుకున్నారు. ఈ చిత్రంలో, ఆత్మలను సంతృప్తి పరిచేలా సాగే 'భూత కోల' అనే ప్రాచీన నృత్యాన్ని కూడా చూపించారు. ఇందులో నర్తించేవారిని దైవ నర్తకులు అంటారు. 

కాంతార చిత్రం చివర్లో రిషబ్ శెట్టి దైవ నర్తకుడిగా విశ్వరూపం ప్రదర్శించారు. దేశవ్యాప్తంగా సెన్సేషనల్ కలెక్షన్స్‌తో దుమ్ములేపుతూ దూసుకుపోతున్న కన్నడ డబ్ మూవీ కాంతార తెలుగు రాష్ట్రాల్లో సెన్సేషనల్ కలెక్షన్స్‌ని సొంతం చేసుకుంటూ దుమ్ములేపుతుంది. 

ఈ చిత్రం కన్నడ వెర్షన్ సెప్టెంబర్ 30న విడుదలై సంచలనం సృష్టించింది. దీంతో ఇప్పుడు తెలుగు, మలయాళ, హిందీ భాషల్లో కూడా అక్టోబర్ 15న ఈ చిత్రాన్ని ప్రేక్షకుల ముందుకు తీసుకొచ్చారు. కన్నడ మాదిరిగానే ఇతర భాషల్లో కూడా ఈ చిత్రం సంచలనం సృష్టిస్తోంది. కలెక్షన్స్ పరంగా పరుగులు పెడుతోంది.

ఈ చిత్రం ఐదవ రోజు మరోసారి వర్కింగ్ డేలో ఉన్నప్పటికీ నైట్ షోలకు ఎక్స్ లెంట్ ట్రెండ్‌ని చూపించింది. మొత్తం మీద 4వ రోజు 1.45 కోట్ల షేర్‌ని అందుకుంటే 5వ రోజు కేవలం 9 లక్షలు మాత్రమే డ్రాప్ అయిన సినిమా ఏకంగా 1.36 కోట్ల రేంజ్‌లో షేర్‌ని సొంతం చేసుకుంది.