పవన్ బాటలో కమల్ హాసన్.. ఇకపై సినిమాలు చేయబోవట్లేదు..

పవర్ స్టార్ పవన్ కల్యాణ్ బాటలోనే ప్రస్తుతం సినీ లెజెండ్ కమల్ హాసన్ సినిమాలకు స్వస్తి చెప్పాలనుకుంటున్నారు. కమల్ హాసన్ ప్రస్తుతం మక్కల్ నీది మయమ్ అనే పార్టీని స్థాపించిన సంగతి తెలిసిందే. కమల్ పార్టీ సం

పవర్ స్టార్ పవన్ కల్యాణ్ బాటలోనే ప్రస్తుతం సినీ లెజెండ్ కమల్ హాసన్ సినిమాలకు స్వస్తి చెప్పాలనుకుంటున్నారు. కమల్ హాసన్ ప్రస్తుతం మక్కల్ నీది మయమ్ అనే పార్టీని స్థాపించిన సంగతి తెలిసిందే. కమల్ పార్టీ సంస్థాగత ఏర్పాట్లలో బిజీగా వున్నాడు. దాంతో పాటు త‌న తాజా చిత్రాలు విశ్వ‌రూపం 2, శ‌భాష్ నాయుడు, భార‌తీయుడు సీక్వెల్‌కి సంబంధించిన పనులు చూసుకుంటున్నాడు. 

అయితే సోషల్ మీడియాలో యాక్టివ్‌గా ఉండే క‌మ‌ల్ హాస‌న్ త‌న ట్విట్ట‌ర్‌లో అభిమానుల‌తో ముచ్చ‌టించాడు. ఈ క్ర‌మంలో ఓ అభిమాని అడిగిన ప్రశ్నకు తాను సినిమాలో చేయబోవట్లేదని.. రిటైర్మెంట్ దగ్గరలో పడిందని పరోక్షంగా చెప్పుకొచ్చారు. 

''మీరు సత్యజిత్ రేఎం, శ్యామ్ బెంగాల్ వంటి దర్శకులతో పనిచేయకపోవడం పై బాధపడుతున్నారా అని అభిమాని ప్రశ్నించగా, అందుకు కమల్ సమాధానం ఇస్తూ... వాళ్ళు తనకు బాగా తెలుసు. కానీ వాళ్ళు తనకు ఎప్పుడూ సినిమా ఆఫర్ ఇవ్వలేదు. పైగా సత్యజిత్ రే ఇప్పుడు లేరు.

తాను కూడా ఇకపై సినిమాలు చేయబోవడం లేదు'' అంటూ కమల్ హాసన్ తెలిపారు. ప్రస్తుతం త‌న తాజా చిత్రాలు విశ్వ‌రూపం 2, శ‌భాష్ నాయుడు, భార‌తీయుడు సీక్వెల్‌కి సంబంధించిన పనులను కమల్ చూసుకుంటున్న సంగతి తెలిసిందే.