కెఆర్ మీడియా అండ్ ఎంటర్టైన్మెంట్స్ పతాకంపై నూతన నటుడు కార్తీక్ రాచపూడిని కథానాయకుడిగా పరిచయం చేస్తూ కిగోర్ దర్శకత్వంలో ఆర్. మాధురీ రావు నిర్మిస్తున్న వార్ యాక్షన్ ఎంటర్ టైనర్ 'వార్మెన్ బేస్ 51'. సంయుక్త గాలి కథానాయికగా నటిస్తున్న ఈ చిత్రం ఫస్ట్ లుక్ పోస్టర్ ని విడుదల చేశారు.
ఫస్ట్ లుక్ లో కార్తీక్ రాచపూడి వార్ ఫీల్డ్ లో సోల్జర్ గా కనిపించారు. కండలు తిరిగిన దేహంతో, వార్ జాకెట్ ధరించి చేతిలో గన్ తో యుద్ధభూమిలో కదలిరావడం ఆకట్టుకుంది. ఫస్ట్ లుక్ చూస్తుంటే ఈ చిత్రంలో హైవోల్టేజ్ యాక్షన్ సీక్వెన్స్ లు వుండబోతున్నాయని అర్ధమౌతోంది.
భాను చందర్, విశ్వ, జై, అదితి తివారీ ఈ చిత్రంలో ఇతర కీలక పాత్రలు పోషిస్తున్నారు. ఈ చిత్రానికి రిబిన్ రిచర్డ్ సంగీతం అందిస్తుండగా, కిగోర్ డీవోపీగా, పి.వి. రామాంజనేయ రెడ్డి ఎడిటర్ గా పని చేస్తున్నారు.