తెలుగుతో పాటు ప్యాన్ ఇండియా లెవల్లో రామాయణం సినిమా పై మరోసారి మేకర్స్ దృష్టి పడింది. ఇప్పటికే ప్రబాస్ హీరోగా .. బాలీవుడ్ దర్శకుడు ఓం రౌత్ దర్శకత్వంలో 'ఆదిపురుష్' సినిమా స్టార్ట్ చేసిన సంగతి తెలిసిందే కదా. ఈ సినిమాలో ప్రభాస్ ప్రభు శ్రీరామ్ పాత్రలో కనిపించనున్నారు. ఈ చిత్రంలో సీతగా కృతి సనన్ నటిస్తోంది.
ఇప్పటికే ఈ సినిమాకు సంబంధించిన షూటింగ్ జరుగుతోంది. ఈ సినిమాను ప్యాన్ ఇండియా లెవల్లో 3Dలో చిత్రీకరించనున్నారు. ఈ సినిమాలో గ్రాఫిక్స్ కోసమే దాదాపు రూ. 200 కోట్ల వరకు ఖర్చు చేస్తున్నారు .మరోవైపు ఈ సినిమాలో రావణాసురుడి పాత్రలో బాలీవుడ్ నటుడు సైఫ్ అలీ ఖాన్ నటిస్తున్నాడు.
ఈ చిత్రంలో కీలకమైన రాముడి తండ్రైన దశరథుడి పాత్రలో ప్రభాస్ పెదనాన్న కృష్ణంరాజు నటిస్తున్నట్టు వార్తలు వస్తున్నాయి. మరోవైపు ఈ చిత్రంలో రావణాసుడి భార్య మండోదరి పాత్రకు ఇంపార్టెన్స్ ఉంది. ఆ పాత్రలో శ్రియ పేరును పరిశీలిస్తున్నారు.