'దాన వీర శూర కర్ణ' @ 40 ఇయర్స్... 43 రోజుల్లో షూటింగ్... రూ.10 లక్షలు ఖర్చు

విశ్వవిఖ్యాత నటసౌర్వభౌమ నందమూరి తారకరామారావు నటించిన 'దాన వీర శూర కర్ణ' చిత్రం విడుదలై మంగళవారానికి 40 యేళ్లు. 1977లో వచ్చిన ఈ చిత్రంలో కర్ణుడు, దుర్యోధనుడు, శ్రీకృష్ణుడు పాత్రల్లో ఎన్టీఆర్ తన నట విశ్

విశ్వవిఖ్యాత నటసౌర్వభౌమ నందమూరి తారకరామారావు నటించిన 'దాన వీర శూర కర్ణ' చిత్రం విడుదలై మంగళవారానికి 40 యేళ్లు. 1977లో వచ్చిన ఈ చిత్రంలో కర్ణుడు, దుర్యోధనుడు, శ్రీకృష్ణుడు పాత్రల్లో ఎన్టీఆర్ తన నట విశ్వరూపం ప్రదర్శించారు. కేవలం 43వ రోజుల్లో ఈ చిత్ర షూటింగ్ పూర్తి చేశారు. ఎన్టీఆర్ స్వీయ దర్శకత్వంలో వచ్చిన ఈ చిత్రానికి పెండ్యాల సంగీత బాణీలు సమకూర్చగా, ఈ చిత్రంలో అర్జునుడిగా హరికృష్ణ, అభిమన్యుడిగా బాలకృష్ణ నటించారు. ఈ చిత్ర నిర్మాణం కోసం కేవలం పది లక్షల రూపాయలను మాత్రమే ఖర్చు చేయగా, ఇది ఆరోజుల్లో కోటి రూపాయలకు పైగా వసూలు చేసింది. ఆ తర్వాత 1964లో మరోమారు విడుదలై రూ.64 లక్షల వరకు వసూలు చేసింది. ఇందులో పది పాటలు, 35 పద్యాలు ఉన్నాయి 

ఈ సందర్భంగా ఎన్టీఆర్ తనయుడు బాలకృష్ణ స్పందిస్తూ... దాన వీర శూర కర్ణలో ఎన్టీఆర్ చెప్పిన డైలాగులను ఏ ఒక్కరూ మరచిపోలేరన్నారు. ఆ రోజుల్లో దాన వీర శూర కర్ణ రికార్డులు నెలకొల్పిందని, ఆ చిత్రం ఓ చరిత్ర అని చెప్పుకొచ్చారు. అలాగే తాను తన 100వ సినిమాగా గౌతమిపుత్ర శాతకర్ణి సినిమాలో నటించడం భగవంతుడి లీలగా భావిస్తానని, ఈ సినిమాకు అన్ని అంశాలు కలిసి వచ్చాయని, తనకు కథ చెప్పడానికి వచ్చినప్పుడు క్రిష్‌లో తాను ఓ తపన, ఆవేశం, అన్వేషణ చూశానని, క్రిష్ కళ్లలో ఆ తపన కనిపించిందని, దర్శకుడు క్రిష్ ఈ సినిమాను అద్భుతంగా తెరకెక్కించారని, శాతకర్ణి విజయం తెలుగువారి విజయమని వెల్లడించారు.