ఆర్.ఆర్. మూవీ మేకర్స్ నిర్మాత‌ వెంకట్ మృతి

తెలుగు సినిమా రంగంలో ఆర్.ఆర్. మూవీ మేకర్స్ స్థాపించి ప‌లు సినిమాలు తీసిన వెంక‌ట్ సోమ‌వారంనాడు ఉద‌యం మృతిచెందారు. ఆయ‌న అస‌లు పేరు జె. వి వెంకట్ ఫణింద్ర రెడ్డి. ఎస్‌.వి. కృష్ణారెడ్డికి స‌న్నిహితుడు. వెంక‌ట్ గ‌త కొద్దికాలంగా మూత్ర పిండాల స‌మ‌స్య‌తో బాధ‌ప‌డుతున్నారు. అందుకోసం గ‌చ్చిబౌలిలోని ఎఐజి ఆసుప‌త్రిలో చికిత్స‌పొందుతూ సోమవారం ఉదయం 5. 30 గంటలకు తుది శ్వాస విడిచారని కుటుంబ సభ్యులు తెలిపారు. 

వెంకట్ వయసు 57 సంవత్సరాలు. తెలుగులో `ది ఎండ్, సామాన్యుడు, మాయాజాలం, హంగామా, గుండమ్మగారి మనవడు, బహుమతి, కిక్, ప్రేమ కావాలి, డాన్ శ్రీను, పైసా, ఢమరుకం, బిజినెస్ మన్, లవ్లీ, విక్టరీ, మావిడాకులు సినిమాను ఇంగ్లిష్ లో `డివోర్స్ ఇన్విటేషన్`గా నిర్మించారు.

వెంకట్ ప్రతి సినిమా విడుదల సందర్భగా సేవా సంస్థలకు ఐదు లక్షల రూపాయలను అందించేవారు. సినిమా అంటే ఎంతో మక్కువ వున్న వెంకట్ ప్రచారానికి దూరంగా ఉండేవారు. ఆయన ఫోటో కూడా ఎవరికీ తెలియదు. తెర వెనుక వుండే వెంకట్ నిర్మాణ కార్యక్రమాలను పర్యవేక్షించేవారు. వెంకట్ మృతికి పలువురు సినీ ప్ర‌ముఖ‌ులు సంతాపం తెలిపారు.